महेन्द्र क्याम्पसमा एक दिने व्यापार मेला आयोजना हुने

छाल खवर
धरान,१३ जेठ ः महेन्द्र बहुमुखी क्याम्पस धरानमा व्यापार प्रदर्शनी मेला आयोजना गरीने भएको छ ।

नेपाल वैंक लिमिटेडको प्रायोजनमा आगामी जेठ १८ गते बुधबारका दिन ब्यापार प्रदर्शन मेला आयोजना गरीन लागेको हो ।

सो कार्यक्रममा साना तथा मझौला व्यवसायको उत्पादन प्रदर्शन तथा प्रचार,प्रसार गर्ने उद्देश्यले आयोजना गरीन लागेको कलेजले जनाएको छ ।

क्याम्पस प्रमुख दामोदर भण्डारीका अनुसार प्राविधिक क्षेत्रका विभिन्न सुरुवाती व्यापारहरु समेत प्रदर्शन तथा प्रवद्र्धन गर्ने लक्ष्यसाथ आयोजना गर्न लागिएको मेलामा ५० वटा स्टल रहने छ ।

व्यापार मेलामा विभिन्न कलेजका विद्यार्थी, विभिन्न बैंक तथा वित्तीय संस्था, साना तथा मझौला ब्यापार, स्थानीय ब्यापारी लगायतका ५ हजार जनाको सहभागिता रहने अपेक्षा गरिएको विद्यार्थी युनेश भण्डारीले जानकारी दिए ।

मेला साना व्यापारीहरुका लागि राम्रो अवसरको रुपमा रहने आयोजकको दावी रहेको छ ।