गठबन्धन दलमा सिट बाँडफाँडमा सहमति कस्लाई कति सिट

छाल खवर
काठमाडौं, ३१ साउन ः लामो छलफल पछि सत्तारुढ गठबन्धन दलहरुबीचमा सिट बाँडफाँडको सहमति वनेको छ ।

स्रोतका अनुसार प्रत्यक्षतर्फको १६५ सिटमध्ये कांग्रेसले ९० सिट लिने सहमति भएको छ ।

गठबन्धनका ठूलो घटक कांग्रेस र माओवादी केन्द्रले क्रमशः ९० र ४० सिट लिने सहमति भएको छ ।

यस्तै, माधव नेपाल नेतृत्वको नेकपा (एकीकृत समाजवादी) ले १८ र उपेन्द्र यादव नेतृत्वको जसपाले १६ सिट लिने सहमति भएको छ भने जनमोर्चाले १ सिट लिने भएको छ ।

यस अघि काग्रेसले १सय सिट आफूले लिने अडान लिएको थियो ।

माओवादीले पाउने ४० सिटमध्ये बाबुराम भट्टराई, महिन्द्र राय यादव र बामदेव गौतम भने माओवादी केन्द्रकै ४० सिटमध्येबाट चुनाव लड्ने बताईएको छ ।

यसअघि भट्टराई र गौतमले माओवादी केन्द्रको चुनाव चिन्ह लिने सहमति भैसकेको छ ।
आन्तरीक रुपमा पार्टी भित्र बावुराम र बामदेवको विषयलाई लिएर भने तिव्र असन्तुष्टि पैदा भएको छ ।