धरानको कर्मचारी अध्यक्षमा किशोर अधिकारी

छाल खवर
धरान,४ भदौः नेपाल नगरपालिका कर्मचारी एशोसिएशन एकाई समिति धरानको अधिवेशनबाट नया नेतृत्व चयन गरेको छ ।

१० औ अधिवेशनले किशोर अधिकारीको अध्यक्षतामा नया कार्यसमिति चयन गरेको हो ।

शुक्रबार सम्पन्न अधिवेशनबाट समितिको उपाध्यक्षमा रमिला कुलुङ, सचिवमा विर्खराज राई, कोषाध्यक्षमा इश्वर लामिछाने र सहसचिवमा हिरालाल विश्वकर्मा चयन भएकाछन् ।

कार्यसमितिको सदस्यहरुमा राजु श्रेष्ठ, दिलकुमार राई, सुकराम लिम्बु, बिक्रम लिम्बु, तेजप्रसाद पोखरेल, सम्झना विक, देवी कार्की, रामेश मेहता, लालबहादुर लिम्बु, राजेश सुब्बा र युनिशा खत्री, दिपकला राई गरी १७ सदस्यीय रहेका छन् ।

कार्यक्रमका प्रमुख अतिथि नगरप्रमुख हर्कराज राई प्रमुख आतिथि रहेका थिए ।

सो कार्यक्रममा प्रमुख प्रशासकीय अधिकृत उद्धवप्रसाद रिजाल, एशोसिएशनका केन्द्रीय वरिष्ठ उपाध्यक्ष डम्बर रोगु, केन्द्रीय उपाध्यक्ष महेश सुवेदी, केन्द्रीय सहकोषाध्यक्ष खगेन्द्र खतिवडा लगायतको उपस्थिति रहेको थियो ।

कार्यक्रम सुनसरी उद्योग वाणिज्य संघको सभाहलमा सम्पन्न भएको थियो ।