सिट बाँडफाँट कार्यदलको बैठक आज

छाल खवर
धरान,२० भदौं ः सत्ता साझेदार दलहरुले गरेको सिट बाँडफाँट कार्यदलको बैठक आज दिउसो वस्ने भएको छ ।

कार्यदलका सदस्य एवम् सञ्चारमन्त्री ज्ञानेन्द्र बहादुर कार्कीले बैठक दिउँसो १ बजे बस्न लागेको जानकारी दिएकाछन् ।

दुई दिनभित्रै सिट बाँडफाँटलाई टुंगोमा पु¥र्याउने गरी खाका ल्याउनका लागि गठवन्धन दलका शिर्ष नेताहरुले भनिए अनुसार कार्यदलको बैठक आज बस्न लागेको हो ।

कार्यदलले सहमति जुटाएर शीर्ष नेताहरुसमक्ष प्रस्ताव लैजाने छ । सोही सिफारिसका आधारमा शीर्ष नेताहरुले अन्तिम निर्णय गर्नेछन् ।

। कार्यदललाई कुन दलले कति सिट लिने भनेर साउन अन्तिम सातासम्म सिफारिस गर्न भनिए पनि अझैसम्म सिफारिस गर्न सकेको छैन ।

कार्यदलमा नेपाली कांग्रेसबाट कृष्णप्रसाद सिटौला, महामन्त्री गगनकुमार थापा र ज्ञानेन्द्रबहादुर कार्की छन् भने माओवादी केन्द्रबाट महासचिव देव गुरुङ र उपमहासचिव वर्षमान पुन छन् ।

यस्तै, नेकपा एकीकृत समाजवादीबाट उपाध्यक्ष प्रमेश हमाल र महासचिव बेदुराम भुसाल, जनता समाजवादी पार्टीबाट रामसहाय यादव र रकम चेम्जोङ तथा राष्ट्रिय जनमोर्चाबाट आनन्द शर्मा र हिमलाल पुरी सदस्य छन् ।