हिविसकस वोडिङ स्कुलमा नमुना हाजिरी जवाफ हुने

छाल खवर
धरान,१९ कार्तिक ः धरान–१५ स्थित हिविसकस वोडिङ स्कुलले विद्यार्थीहरुलाई सामान्य ज्ञान अध्यय्नमा प्रोत्साहन गर्नको लागि हाजिरीजवाफ प्रतियोगिताको आयोजना गर्ने भएको छ ।

स्कुलले धरान क्षेत्रका नीजि तथा सरकारी विद्यालय गरी खुल्ला धरान नगर स्कुल स्तरीय हाजिरी जवाफ प्रतियोगिता आयोजना गर्न लागेको हो ।

धरानमा खेलकुद लगायतका अन्य प्रतियोगिताहरु सञ्चालन हुदै आएपनि हाजिरी जवाफ प्रतियोगिता भने कम हुने गरेको छ ।

विद्यार्थीहरुलाई सामान्य ज्ञानको अध्यय्नमा प्रोत्साहन गर्नको लागि प्रतियोगिता आयोजना गर्न लागेको स्कुलका डाइरेक्टर प्रिन्सिपल गंगाराम राईले जानकारी दिएकाछन् ।

प्रतियोगितामा सहभागीताका लागि धरान क्षेत्रका नीजि तथा सरकारी गरी ५७ विद्यालयलाई पत्रचार गरी सकेको र अन्य विद्यालयहरुमा समेत पत्रचार गर्ने तयारी भईरहेको कार्यक्रम संयोजक रमेश माझीले जानकारी दिएकाछन् ।

स्कुलका प्रिन्सिपल गंगाराम राईका अनुसार प्रतियोगितामा प्रथम, द्धितिय, तृतिय,चौथो,पाचौं र छैटौ हुने विजेताहरुलाई क्रमस १२ हजार, १० हजार, ८ हजार, ६ हजार, ४ हजार, २ हजार नगद मेडल र प्रमाण–पत्र प्रदान गरीनेछ ।
पुष १४ र १५ गते आयोजना हुने सो प्रतियोगितामा हरेक विद्यालयका ३ जना विद्यार्थी सहभागी हुने र त्यसमा एकजना महिला अनिवार्य हुने गरी सहभागी गराउनको लागि विद्यालयलाई पत्राचार गरीसकिएको स्कुलको भनाई रहेकोछ ।

यो प्रतियोगितालाई आगामी दिनमा निरन्तरता दिदै जाने स्कुलका प्रिन्सिपल गंगाराम राईले जानकारी दिएकाछन् ।

प्रतियोगितामा सहभागिताका लागि कार्तिक ३० गतेसम्म विद्यालयहरुले आफ्नो नाम दर्ता गरीसक्नु पर्ने व्यवस्था गरीएको छ ।

यो प्रतियोगितालाई अहिलेसम्म कै नमुना र फरक वनाउन लागिएको राईको भनाई रहेको छ ।
यो प्रतियोगिताले लोक सेवाको तयारी गर्ने विद्यार्थीहरुका लागि थप सहज हुने पनि स्कुलको अनुमान रहेको छ ।