शनिवार धरानका ७ सय ५०विद्यार्थीहरु दौडीने

छाल खवर
धरान,१४ मंसिर ः धरान राउण्ड टेवल २६ र लियो क्लव विजयपुरको संयुक्त आयोजनामा लियो इन्टर स्कुल रन प्रतियोगिता हुने भएको छ ।

आयोजकले वुधवार धरानमा पत्रकार सम्मेलन आयोजना गरी प्रतियोगिता आयोजना गर्ने जानकारी गराएको थियो ।

आयोजकका अनुसार ५ किलो मिटरको दुरी तय गरीएको सो प्रतियोगितामा धरानका ४० नीजि तथा सरकारी विद्यालयका ७ सय ५० जना छात्र तथा छात्राहरुले सहभागिता जनाउने छन् ।

दौडको रुट भानुचोकबाट शुरुभई पुतलीलाईन हुदै कल्याण चोक , छाताचोक सिंहदेवी चोक हुदै माछा भौडी देशी लाईन हुदै भानुचोकमा टुंगिने छ ।

प्रतियोगिता मंसिर १७ गते शनिवार धरानको भानुचोकमा आयोजना हुनेछ ।

धरान राउण्ड टेवल २६ का अध्यक्ष अग्रिम खेतानका अनुसार प्रतियोगितामा पहिलो, दोस्रो र तेस्रो हुने विजेताले क्रमस ७ हजार, ५ हजार र ३ हजार नगद र प्रमाण पत्र प्राप्त गर्नेछन् ।