सरकारी विद्यालयको विकासका लागि म पहल गर्नेछु – माननीय अशोक कुमार राई

छाल खवर
धरान,१५ मंसिर ः सुनसरी क्षेत्र नं १ प्रतिनिधि सभा सदस्य माननीय अशोक कुमार राईले सरकारी विद्यालयको वृहत्तर विकासका लागि आफूले सक्दो पहल गर्ने प्रतिवद्धता व्यक्त गर्नुभएको छ ।

धरान–८ स्थित शहिद माध्यामिक विद्यालयले आयोजना गरेको वधाई ज्ञापन कार्यक्रममा वोल्दै माननीय राईले सो प्रतिवद्धता व्यक्त गर्नुभएको हो ।

उहाँले कार्यक्रममा वोल्दै मुलुकको शिक्षा क्षेत्रको सुधारका लागि नीतिगत रुपमा नै व्यवस्था गर्ने गरी आफू लागि पर्ने कुरामा जोडदिनुभयो ।

मतदाताहरुलाई धन्यवाद ज्ञापन गर्ने क्रममा धरानका विभिन्न वडाहरुमा व्यस्त रहनु भएका राईले धरानको विभिन्न क्षेत्रको विकासको लागि आफू लागि पर्ने वताउनु भयो ।

कार्यक्रममा ध्यानाकर्षण गर्दै शहिद माध्यामिक विद्यालयका प्रधानाध्यापक राम विष्टले सरकारी विद्यालयको शैक्षिक सुधार र भौतिक पूर्वाधारको विकास गर्नको लागि राज्यले पयाप्त वजेट विनियोजन गर्नुपर्ने माग राखेका थिए ।

विष्टले दिवा खाजाको वजेट वृद्धि गर्नुपर्ने, निःशुल्क शिक्षा पूर्ण रुपमा कार्यान्वयन गर्न वजेट थप गर्नुपर्ने लगायतका माग राखी ध्यानाकर्षण गराएका थिए ।

कार्यक्रममा प्रदेश सभा सदस्य माननीय रमेश कुमार वस्नेत, वडाध्यक्ष धनकुमार राई , जनता समाजवादी पार्टी नेपालकी केन्द्रीय कार्यसमिति सदस्य सुशिला श्रेष्ठ लगायतको उपस्थिति रहेको थियो ।