प्रादेशिक आयुर्वेद अस्पतालको दरबन्दी स्वीकृत गर्ने प्रदेश १ मन्त्रिपरिषद् बैठकको निर्णय

छाल खवर
धरान,२७ मंसिर ः प्रदेश नम्बर १ को सोमवार वसेको मन्त्रिपरिषद् बैठकले विभिन्न महत्वपूर्ण निर्णय गरेको छ ।

वैठकले प्रादेशिक आयुर्वेद अस्पताल, लखनपुरको अस्थायी संगठन संरचना र दरबन्दी स्वीकृत गर्ने निर्णय गरेको हो ।

वैठकले ग्रामीण सडक सञ्जाल सुधार आयोजना, आयोजना कार्यान्वयन इकाईको संगठन संरचना र दरबन्दी प्रदेश सरकारले स्वीकृत गरेको छ ।

विराटनगरस्थित मन्त्रिपरिषद्को कार्यालयमा सोमबार बसेको बैठकले यस्तो निर्णय गरेको हो ।

सरकारका आर्थिक मामिला तथा योजनामन्त्री इन्द्रबहादुर आङ्बोका अनुसार बैठकले आर्थिक विकासका लागि लगानी तथा नव प्रवर्तन सम्बन्धी आयोजनाको प्रस्ताव संघीय अर्थ मन्त्रालय समक्ष पेस गर्ने निर्णय पनि गरेको छ ।