शहिदका विद्यार्थीहरुलाई न्यानो कपडा वितरण

छाल खवर
धरान,२२ पुष ः धरान– ८ स्थित शहिद स्मृति माध्यामिक विद्यालयका विद्यार्थीहरुलाई न्यानो कपडा वितरण गरीएको छ ।

नैन जानुका विष्ट परिवारबाट प्राप्त भएको ७५ थान न्यानो कपडा स्विटर विद्यालयमा वितरण गरीएको हो ।

विद्यालयका विद्यार्थीहरुका लागि विष्ट परिवारको कोषको व्याज मध्येबाट सो सहयोग गरीएको कोषका सचिव तथा विद्यालयका प्रधानाध्यापक राम विष्टले जानकारी दिएकाछन् ।

शिक्षा र सामाजिक क्षेत्रका केही न केही सहयोग गर्दै आएको परिवारले यसपटक भने जाडोका लागि स्विटर वितरण गर्ने निर्णय भए वमोजिम गरीएको वताए ।

कार्यक्रममा कक्षा नर्सरी देखि कक्षा ५ सम्मका ७५ जना नयाँ विद्यार्थीहरुलाई स्विटर वितरण गरीएको विद्यालयका प्रधानाध्यापक विष्टले जानकारी दिएकाछन् ।

विद्यालयका शिक्षक अभिभावक संघका अध्यक्ष चन्द्र बहादुर श्रेष्ठको सभापतित्मा भएको सो कार्यक्रममा वडा जनप्रतिनिधिहरुको समेत उपस्थिति रहेको थियो ।

कार्यक्रमको सञ्चालन विद्यालयका शिक्षक राजन वमले गरेका थिए ।