शारदा वालिकाका विद्यार्थीहरुलाई न्यानो कपडा वितरण

छाल खवर
धरान,२३ पुष ः शारदा वालिका नमुना माध्यामिक विद्यालय धरान–१६ का विद्यार्थीहरुलाई न्यानो कपडा वितरण गरीएको छ ।

स्कुलका पूर्व विद्यार्थी तथा छात्रवृत्ति दाताहरुको सहयोगबाट प्राप्त आर्थिक सहयोगमा स्विटर वितरण गरीएको हो ।

विद्यालयकी पूर्व विद्यार्थी हाल वेलायत निवासी शोभा क्षेत्री तथा भूपू विद्यर्थाी (२०४३÷२०४४) छात्रवृत्ति कोष तथा भूपू विद्यार्थी २०४८÷२०४९) अक्षय कोष र पूर्व प्रधानाध्यापक प्रतिमा पोख्रेलद्धारा स्थापित मुकुन्द प्रतिमा छात्रवृत्ति कोषको आर्थिक सहयोगमा विद्यालयकी शिक्षक तथा छात्रवृत्ति समितिको संयोजक कृष्णादेवी तामाङको पहलमा सो कपडा वितरण गरीएको विद्यालयक शिक्षक पदम लुइटेलले जानकारी दिएकाछन् ।

शिक्षक लुइटेलका अनुसार विद्यालयमा अध्ययनरत कक्षा १ देखि १० सम्मका २ सय ७६ जना छात्रालाई न्यानो कपडा स्विटर र ४ सय ९० जनालाई मोजा वितरण गरीएको हो ।

शारदा वालिका नमुना माध्यामिक विद्यालय प्रदेश नं.१ को एक मात्र छात्रा अध्ययन गर्ने विद्यालयको रुपमा रहेको छ । विद्यालयमा हाल ७ सय छात्रा अध्ययनरत रहेकाछन् ।