सरकारमा सहभागी हुन जसपाको सर्त

छाल खवर
धरान,२ माघ ःप्रधानमन्त्री पुष्पकमल दाहाललाई विश्वासको मत दिएको जनता समाजवादी पार्टी, नेपालले सरकारमा सहभागी हुन सर्तहरु अघि सारेको छ ।

पार्टीले न्यायोचित तथा सम्मानजनक अवस्था भएमा मात्र सरकारमा सहभागिता हुने वताएको छ ।

जसपाका प्रचार विभाग प्रमुख पूर्ण बस्नेतले निर्वाचनको परिणामलाई विचार गर्दा संयुक्त सरकार गठन गर्नुको विकल्प नभएको वताए ।

सरकारको न्यनुतम साझा नीति तथा कार्यक्रम र सत्ता शक्तिको बाँडफाँडमा हुने सहमति र समझदारीको आधारमा सरकारमा पार्टीको सहभागिता हुन सक्ने वस्नेतको भनाई रहेको छ ।

प्रधानमन्त्री प्रचण्ड र एमाले अध्यक्ष केपी शर्मा ओलीबीचको छलफलमा सो पार्टीलाई दुई मन्त्रालय दिनेबारे सहमति भएको भनिएका बेला उनले भने पार्टीको लागि न्यायोचित तथा सम्मानजनक अवस्था भएमा मात्र सरकारमा सहभागिता हुने बताए ।