वार्षिक उत्सवमा शैक्षिक सामग्री बितरण गर्दै व्रदर्स बेकरी

छाल खवर
धरान,११ माघ ः व्यवसायिक रुपमा केक निर्माण गर्दै आएको ब्रदर्स बेकरी धरानले आफ्नो छैटौ वार्षिक उत्सवका अवसरमा विद्यार्थीहरुलाई शैक्षिक सामाग्री तथा ट्याकसुट वितरण गरेको छ ।

बेकरीले मंगलवार एक कार्यक्रमको आयोजना गरी धरान १७ पटनाली स्थित ज्वालामुखी माध्यामिक बिद्यालयमा अध्यनरत बिपन्न परिवारको नानीहरुलाई न्यानो कपडा ट्रयाक शुट र अन्य शैक्षिक सामग्रीहरु बितरण गरेको हो ।

वेकरी सञ्चालक मध्येका एन सि राईले २५ परिवारका बिद्यार्थीहरुलाई न्यानो कपडा ट्र्याक सुट , शैक्षिक सामग्रीहरु वितरण गरेको जानकारी दिएकाछन् ।

बितरण कार्यक्रममा बेकरी संचालकद्वय एन.सी.राई र बिरेन्द्र थापालाई मुख्य अतिथी रहेका थिए । कार्यक्रममा अतिथिहरु वडा नम्बर–१७ का पुर्ब जनप्रतिनिधी सुबास बर्देवा, बर्तमान वडा सदस्य मनिस बिष्ट बिधालय संचालक समिति सदस्य दिपिका बिक, तारा राई र कृष्ण प्रसाद लिम्बु सह प्रधान अध्यापक भक्त बिलास पोखरेलले शुभकामना मन्तव्य राखेका थिए ।

६ बर्ष अघी धरानमा स्थापना भएको ब्रदर्स बेकरीले व्यवसायबाट आएको मुनाफाको केही प्रतिशत समाज सेवामै खर्च गरिरहेकोछ ।

बेकरीले आफ्नो स्थापना कालदेखीनै आफ्नो ब्यवसायलाई समाज सँग जोड्दै आएको छ ।

समाजमा रहेको हरेक जेष्ठ नागरिकहरुलाई निःशुल्क बर्थ–डे केकहरु बितरण गर्दै आएको थियो भने आफ्नो हरेक महिला ग्राहकहरुलाई निशुल्क सेफ्टी प्याडहरु पनि बितरण गर्दै आइरहेको बेकरीका संचालक एन।सी।राईले जानकारी दिए ।

विद्यालयमा हाल ४ सय बिद्यार्थीहरु अध्यनरत रहेको कार्यक्रमका अध्यक्ष बिद्यालय ब्यवस्थापन समितिको अध्यक्ष भरत बहादुर खत्रीले जानकारी दिए ।