एकीकृत समाजवादीका सचिवालय सदस्य घनश्याम भुसाल अस्पताल भर्ना ,स्वास्थ्य अवस्था सामान्य

छाल खवर
काठमाडौ,धरान,२० माघ ः अचानक वेहोस भएपछि नेकपा एकीकृत समाजवादीका सचिवालय सदस्य घनश्याम भुसाल अस्पताल भर्ना भएकाछन् ।

भुसालको सिभिल अस्पतालमा उपचार भइरहेको समाजवादी प्रेस संगठनका उपाध्यक्ष विश्वमणि सुवेदीले जानकारी दिएकाछन् ।

भुसाल शुक्रबार दिउँसो गाडी चलाइरहेका बेला अचानक बेहोस भएका थिए ।

चालकलाई छेउको सीटमा राखेर आफैँ गाडी चलाएर पार्टी कार्यालयतर्फ गइरहेका बेला नयाँ बानेश्वर चोकमा अचानक बेहोस भएको उपाध्यक्ष सुवेदीले जानकारी दिए ।

सुवेदीका अनुसार गाडी भित्तामा ठोक्किँदा चालक सामान्य घाइते भएका छन् भने अरुलाई केही भएको छैन ।
नेता भुसाललाई मीनभवन स्थित सिभिल अस्पतालमा भर्ना गरिएको छ ।

अहिले उहाँको अवस्था सामान्य रहेको बताइएको छ ।