राष्ट्रपति चयनका लागि सबै दलसँग छलफल गर्ने पक्षमा एकीकृत समाजवादी

छाल खवर
धरान,१० फागुन ः नेकपा (एकीकृत समाजवादी) ले राष्ट्रपति चयनमा सहमतिका लागि संसद्मा रहेका सबै दलसँग छलफल गर्ने निर्णय गरेको छ ।
पार्टीको बुधवार बसेको सचिवालयको ५० औं बैठकले राष्ट्रपतिको निर्वाचनका लागि सहमतिका लागि सवै दलहरुसंग छलफल गर्ने निर्णय गरेको हो ।
उपमहासचिव तथा प्रचार विभाग प्रमुख जगन्नाथ खतिवडाका अनुसार पछिल्लो पटक विकास भएका राजनीतिक भेटघाट र घटनाक्रमका साथै समसामयिक लगायत विषयमा छलफल गरिएको हो ।
जनताको लामो सङ्घर्षबाट प्राप्त भएको राजनीतिक उपलब्धि विरुद्ध भइरहेका गतिविधिप्रति छलफल गरिएको बैठकमा अग्रगमन पक्षधरलाई एकताबद्ध गरी सङ्घीय लोकतान्त्रिक गणतन्त्रको रक्षाका लागि नेतृत्वदायी भूमिका निर्वाह गर्ने निर्णय गरेको बैठक पछि संचारकर्मीहरुसँगको कुराकानीमा प्रमुख खतिवडाले बताए ।