धरान एक्स्पोमा खेल तमासा खेलाउन रोक आयोजक तनावमा ठेकेदार घाटामा

  • फागुन ११, २०७९
  • १६,२९५ पटक पढिएको
  • छाल खबर
alt

छाल खवर
धरान,११ फागुन ः धरानमा विहिवारबाट शुरु भएको धरान एक्स्पो (मेला)मा खेल तमासा संचालनमा नगरपालिकाले रोक लगाएको छ ।

नगरपालिकाले खेल तमासा भित्र रोटेपिङ पर्ने र स्थानीय वासीलाई असर गर्ने भन्दै रोटेपिङ संचालनमा रोक लगाएको हो ।

आयोजकले मेलामा रोटेपिङ र अन्य खेलजन्य सामाग्रीको मनोरन्जन गर्न पाईने मेलाको आर्कषण रहेको भन्दै पत्रकार सम्मेलनमा वताएको थियो ।

आयोजक सुनसरी उद्योग वाणिज्य संघले रोटेपिङ संचालनको लागि ठेकेदारलाई ठेक्का दिएर रकम समेत लिएको थियो ।

ठेकेदारले मेला स्थल धरान–१६ स्थित धरान रंगशालाको तल्लो पट्टीको खेल मैदानमा तयारी समेत गरेको थियो ।

उद्घाटनको दिन नगरपालिकाले रोटेपिङ संचालनमा रोक लगाएपछि ठेकेदारलाई समस्या परेको छ ।

आयोजकले नगरपालिका र प्रशासनलाई मिलाएर संचालन गर्ने प्रयास गरेता पनि स्थानीय वासिले नगरपालिकालाई दवाव दिने नगरपालिकाको वुझाई रहेको छ ।

केही समय अघि पोखरामा भएको महोत्सवमा रोटेपिङबाट लडेर एक जनाको मृत्यु समेत भएको थियो । सो घटनाबाट सुनसरीको सुरक्षा निकाय समेत संवेदनशील वनेको छ ।

स्थानीयवासीले भने जनप्रिय नगरप्रमुखको जनहितकारी कार्य भएको भन्दै निर्णयको प्रसंशा गरेकाछन् । उनीहरुले कुनै पनि लोभ लालचमा नफसी आफ्नो निर्णयबाट एकइन्च पनि पछी नहटन मेयरलाई आग्रह समेत गरेकाछन् ।

खेलतमासा र रोटेपिङमा राम्रो कमाई हुने भएकोले आयोजक भित्रका केही व्यक्तिहरुले कमिसनमा लाइन मिलाएको चर्चा व्यापारीहरु माझ चलेको थियो । तर उद्घाटनका दिन पिङ संचालनमा रोक लागेपछि आयोजक तनावमा रहेको छ ।

आयोजक सुनसरी उद्योग वाणिज्य संघका अध्यक्ष विजय श्रेष्ठले पिङमा रोक लगाएको स्विकार गर्दै वार्ता भइरहेको वताए ।

यता धरान नगरपालिकाका नगरप्रहरी प्रमुख विष्णु कोइरालाले नगरपालिका र सुरक्षा निकाय र आयोजकको सहमतिमा नै पिङ खेलमा रोक लगाएको वताए । उनले रोटेपिङ वन्द गराउने विषयमा आयोजकको पनि सहमति रहेको स्पष्ट पारेकाछन् ।

मेलाको उद्घाटन प्रदेश नं.१ का मुख्यमन्त्री हिक्मत कार्कीेले गरेका थिए ।

धरानमा खेलकुद महोत्सवको आयोजना हुने

छाल खवर धरान,१३ मंसिर ः धरानमा पहिलो पटक खेलकुद महोत्सव आयोजना हुने भएको छ ...

के.के.इन्टरनेशनल स्कुलको दशौं वार्षिक उत्सव सम्पन

छाल खवरधरान,१२ मंसिर ः के.के. इन्टरनेशनल स्कुल धरान–१५ ले दशौँ वार्षि ...

प्रहरी कार्यालयमा आगजनी गर्ने पक्राउ

छाल खवर धरान,११मंसिर ःइलाका प्रहरी कार्यालय इटहरीमा आगजनी, तोडफोड, लुटपाट र ...

हिमशिखर र ज्वालामुखी क्वाटर फाइनलमा

छाल खवर धरान,१० मंसिरः धरानमा जारी पहिलो सुनाखरी कपको वुधवारको खेलमा ज्वाला ...

प्रभात सेकेन्डरी र सैनिक आवासीय क्वाटरफाइनलमा

छाल खवर धरान, ९ मंसिरः धरानमा जारी सुनाखरी एकेडेमी कपको मंगलवारको खेलमा प्र ...

कोशी प्रदेश डीआईजी रनिङ कप पुषमा

छाल खवर धरान,९ मंसिरः १९ वर्षदेखि स्थगित रहेको डिआइजिपि कप यस वर्षदेखि सञ्च ...

Copyright © 2020 / 2025 - Chhalkhabar.com All rights reserved

Website By : Hash Tech Logic