केही दिनका लागि भएपनि खेल तमासा संचालन गछौ –मेला संयोजक श्रेष्ठ संचालन गर्न दिने निर्देशन आएको छैन –नगरप्रहरी प्रमुख कोइराला

छाल खवर
धरान,१२ फागुनः उद्घाटनको दिनवाटै संचालनका रोक लागेको खेल तमासा शुचारु हुने दावी मेला संयोजक सुनसरी उद्योग वाणिज्य संघका उपाध्यक्ष गोपाल श्रेष्ठले दावी गरेकाछन् ।

नगरपालिकाले जुवा जन्य खेलको रुपमा रहेको भन्दै खेलतमासालाई संचालनमा रोक लगाएको थियो ।

मेला आयोजकले खेल तमासा संचालन गर्नका लागि ठेकेदारलाई ठेक्का दिएको थियो । ठेकेदारले सवै सामान ढुवानी गरी मेला स्थलमा खेल तमासा जडान समेत गरीसकेको थियो ।

उद्घाटनको दिन नगरपालिकाले संचालनमा रोक लगाएपछि ठेकेदारलाई समस्या परेको छ । नगरपालिकाले मेला संचालनमा सहयोग गरेपनि खेलतमासामा रोक लगाएपछि आयोजकलाई घाटा हुने निश्चित प्राय रहेको छ ।

मेलाको प्रमुख स्रोतको रुपमा रहेको खेल तमासालाई रोक लगाएपछि आयोजकको पहिलो गासमा नै ढुङ्गा लागेको छ ।

खेलतमासा संचालनको लागि पहल भइरहेको र छिट्टै संचालनमा आउने संयोजक श्रेष्ठको दावी रहेको छ ।

उनले भने हामी पहल गरीरहेका छौं अन्य कुरा चलिरहेकै छ रोकिएको त पिङ न हो पिङ संचालनमा ल्याउन नसके ठेकेदारलाई सामान ल्याएको र लैजाने ढुवानीको खर्च र केही लागेको घाटा संघले व्यहोर्ने समेत वताए ।

विगतको मेलामा जस्तो यस पटक भने कुनै रौनक देखिएको छैन् । स्टल महंगो भएको कारण हरेक होटालका स्टलमा खानेकुरा समेत निक्कै महंगो रहेको त्याहा जानेहरुले वताएकाछन् ।

खेल तमासा संचालनका विषयमा नगरप्रहरी प्रमुख विष्णु कोइरालाले भने संचालनको लागि कुनै निर्देशन नआएको वताए । खोल्नको लागि निर्देशन नआएसम्म वन्द गरीने वताए ।