लिवर्टीका विद्यार्थी र शिक्षकहरुवीच दोहोरीको घम्साघम्सी प्ले जोन संचालनमा

छाल खवर
धरान,२९ फागुन ः
शिक्षक ःआजकल किन स्कुल जादैनो स्कुल जादैनौ
आउछौं फेरी भनेको मान्दैनौ.
मैले के गरु,
स्कुल आउछौं कि घरमा फोन गरौं ।
विद्यार्थी ःहे रातभरी पढदा नै रात जान्छ रात जान्छ
उठदा उठदै विहानको १० वज्छ मैले के गरु ।
वरु विहानै घरमा फोन गर्नु बरु विहानै घरमा फोन गर्नु ।
यस्तो शिक्षक र विद्यार्थीहरुको दोहोरीको घम्साघम्सी चलीरहदा अभिभावकको तालिको गडगडाहट तालि गुन्जिएको थियो
अभिभावकहरुको खचाखच भीड थियो । एक छेउमा शिक्षक टोली र अर्र्को छेउमा विद्यार्थीहरुको टोली नेपाली पोशाकमा सजिएर वसेका थिए । त्यही खचाखच भीडका विच शिक्षक र विद्यार्थीहरुवीच शुरु भयो दोहोरीको घम्साघम्सी । दोहोरी पनि यस्तो थियो जो मनोरन्जन मात्र नभएर शिक्षक र विद्याथीहरुवीच सन्देश मुलक शिक्षा समेत रहेको थियो ।
धरान–११ स्थित लिवर्टी रेसिडेन्सियल स्कुलले बालबालिकाहरुको लागि प्ले जोन संचालनमा ल्याएको छ ।
स्कुलले सोमवार अभिभावकसंग सास्कृतिक कार्यक्रम तथा प्ले जोन उद्घाटन समारोहको आयोजना गरी सो प्ले जोन संचालनमा ल्याएको हो ।
जोनको उद्घाटन वडाध्यक्ष लोकेन्द्र फागो लिम्वुले रिवन काटेर उद्घाटन गरेका थिए ।
प्ले ग्रुपदेखी कक्षा–५ सम्मका बिद्यार्थीहरुलाई खेल्नका लागि प्ले जोन निर्माण गरिएको स्कुलका निर्देशक तेजमान लिम्वुले जानकारी दिएकाछन् । उनका अनुसार सोको लागत १० लाख रुपैया रहेको निर्देशक लिम्वुले जानकारी दिएकाछन् ।

कार्यक्रममा वोल्दै कार्यक्रममा प्रमुख अतिथि वडाध्यक्ष फागो लिम्वुले लिबर्टी स्कुलले अतिरिक्त क्रीयाकलापका साथै गुणस्तरिय शिक्षा प्रदान गर्नमा ठूलो योगदान पुर्याएको बताए।
अभिभावकहरुलाई मनोरन्जन प्रदान गर्न र बिद्यार्थीहरुका प्रतिभालाई प्रष्फुटन गर्ने उद्येस्यले सान्स्कृतिक कार्यक्रमको आयोजना गरिएको स्कुलका प्रिन्सिपल भगत लिम्वुले बताए।
कार्यक्रममा नेपाल पत्रकार महासङ्घ सुनसरीका अध्यक्ष जनकऋषि राईले मन्तब्य ब्यक्त गरे।
यस्ता सान्स्कृतिक कार्यक्रमले बिद्यालय र अभिभावकहरु बिचको सम्बन्ध सुमधुर हुने महासंंघका अध्यक्ष राईले बताए। स्कुलका भाइस प्रीन्सिपल धिरेन लिम्बुले स्कुलले बिद्यार्थीहरुलाई गुणस्तरिय शिक्षा प्रदान गर्नुका साथै असल सन्स्कार र अनुशासनमा पनि उत्तिकै जोड दिएको बताए। अभिभावकहरुको तर्फबाट पेमा तामाङले मन्तब्य ब्यक्त गरे। बिद्यार्थीहरुको जग बलियो भयो भने मात्र भबिष्य उज्ज्वल हुने अभिभावक तामाङले बताए।
कार्यक्रममा स्कुलका शिक्षक र बिद्यार्थीबीच सन्देस मुलक लोकदोहोरीकाो घम्साघम्सी परेको थियो । गीत प्रस्तुत गर्दा अभिभावकहरुले पूर्ण मनोरन्जन लिएका थिए । अहिलेका नया पुस्ताका बिद्यार्थीहरुलाई आफ्नो परम्परागत कला, संस्कार, संस्कृती कसरी जगेर्ना गर्नुपर्छ भन्ने सन्देस दिनका लागि लोक दोहोरी गीत प्रस्तुत गरिएको स्कुलका भाईस प्रीन्सिपल धिरेन लिम्बुको भनाई रहेको छ ।
कार्यक्रम अवधिभर बिद्यार्थीहरुले फेसन शो, आकर्षक नृत्य, र गीत प्रस्तुत गरे।कार्यक्रमको सन्चालन शिक्षकद्वय अनिता भुजेल र अरुण राईले गरेका थिए ।