सुनसरीका आचार्य खेलकुद महासंघको केन्द्रिय सदस्यमा निर्वाचित
फागुन ३०, २०७९
३,४७२ पटक पढिएको
छाल खबर
छाल खबर, धरान ३० फाल्गुणः सुनसरी जिल्लाका युवा नेता असिम आचार्य नेकपा (एमाले) सम्बद्ध नेपाल खेलकुद महासंघको केन्द्रिय सदस्यमा निर्वाचित भएका छन् ।
कोशि प्रदेशको राजधानि बिराटनगरमा हालै सम्पन्न महासंघको महाधिवेशनले आचार्यलाई खुल्लातर्फको केन्द्रिय सदस्यमा निर्वाचित गरेको हो ।
उक्त महाधिवेशनले पर्शुराम बस्नेतको नेतृत्वमा १७ सदस्यीय पदाधिकारी सहित १७१ सदस्यीय केन्द्रिय सदस्य चयन गरेको थियो ।
महाधिवेशन अवधीमा सडक दुर्घटनामा परि अर्घाखाचिका प्रतनिधि प्रकाश महतको मृत्यु भएपछि १३ दिन सम्म कुनै पनि कार्यक्रम नगरेको महासंघले नवनिर्वाचित कमिटिको शपथ ग्रहण कार्यक्रम गत शुक्रबार मात्रै सम्पन्न गरेको हो ।
नवनिर्वाचित कमिटिले नेकपा (एमाले) का अध्यक्ष केपि ओलिबाट पद तथा गोपनियताको शपथ ग्रहण गरेका थिए ।
खुल्लातर्फको केन्द्रिय सदस्यमा निर्वाचित काठमाण्डौ विश्व विद्यालय स्कुल अफ म्यानेजमेन्ट विद्यार्थी कल्याणकारी परिषद्का पुर्व अध्यक्ष आचार्य यस अघि पनि महाधिवेशन आयोजक कमिटि सदस्य थिए ।
सुनसरीका आचार्य राष्ट्रिय खेलकुद परिषदमा दर्ता भएको नेपाल फुटसल संघको केन्द्रिय सचिव पनि हुन । राजनितिक पुष्ठभूमी भएको परिवारबाट आएका आचार्य नेकपा (एमाले) का स्थायी कमिटि सदस्य तथा कोशि प्रदेशका पूर्व मुख्यमन्त्रि भीम आचार्यका सुपुत्र हुन् ।
यसैगरि सुनसरी कै पुर्व राष्ट्रिय खेलाडि विप्लब घोष केन्द्रिय सचिवमा निर्वाचित भएका छन् । खेलकुद क्षेत्रमा लामो समय काम गरेका घोष यस अघिको आयोजक कमिटिमा स्थायि कमिटि सदस्य रहेका थिए ।
