रोजबडको आठौं वाषिकोत्सव सम्पन्न

छाल खवर
धरान,२९ चैतः रोजबड मन्टेश्वरी एन्ड ट्रेनिङ सेन्टर धरान–१६ ले आफ्नो आठौँ वार्षिकोत्सव सम्पन्न गरेको छ ।

वार्षिक उत्सवको अवसरमा सेन्टरले विद्यार्थीहरूलाई दीक्षित समेत गरेको छ ।

कक्षा १ मा उत्तीर्ण भएका विद्यार्थीहरूलाई दीक्षित गरिएको सेन्टरका सञ्चालक सञ्जीव उदासले वताए ।

युकेजीबाट कक्षा १ मा उत्तीर्ण भएका ११ जनालाई दीक्षित गरिएको उदासले जानकारी दिएकाछन् ।

वार्षिकोत्सवको अवसरमा नर्सरी, एलकेजी र युकेजीका विद्यार्थीहरूले नृत्य, र गीत प्रस्तुत गरी अभिभावकहरुलाई मनोरन्जन दिएका थिए ।

विद्यार्थीहरुले नर्सरी, एलकेजी र युकेजीमा अध्ययनरत विद्यार्थीहरूले आफ्नो प्रतिभा देखाएका थिए ।

केही विद्यार्थीहरूले सामाजिक सञ्जाल, अनुशासन, प्रविधिको महत्व, मित्रता, सपना, वातावरणीय प्रदूषणका बारेमा बोलेका थिए ।

त्यसैगरी सेन्टरबाट उत्तीर्ण भई विभिन्न स्कुलमा अध्ययनरत विद्यार्थीहरूले पनि नृत्य तथा गीत प्रस्तुत गरेका थिए ।

मेनुका गिरीको सभापतित्वमा भएको कार्यक्रममा धरान उपमहानगरका उपप्रमुख अइन्द्रविक्रम बेघा, गायक डिल्ली फोम्बो, सेन्टर प्रमुख राजेन्द्र गिरी लगायतको उपस्थिति रहेको थियो ।