लिवर्टी स्कुलमा विद्यार्थीहरुलाई सुविधा नै सुविधा

धरान,१३ वैशाखः लिवर्टी रेसिडेन्सियल स्कुलले धरान– ११ मा विद्यार्थीहरुका लागि सुविधा नै सुविधाको अवसर दिएको छ ।

स्कुलले कक्षा प्ले ग्रुप देखि कक्षा ९ सम्मको भर्नामा विभिन्न किसिमको सुविधा नै सुविधा दिएको हो ।

स्कुलले सामाजिक छात्रवृत्ति अन्तर्गत वीपी प्रतिष्ठानका धरानका कर्मचारीका छोरा छोरीहरुलाई पाँच वर्षसम्म भर्ना शुल्क नलाग्ने र मासिक शुल्क मात्र लाग्ने सुविधा ल्याएको स्कुलका निर्देशक तेजमान लिम्वुले जानकारी दिएकाछन् ।

उनका अनुसार मजदुर वर्गका छोराछोरीहरुलाई पनि मासिक शुल्क मात्र लाग्ने गरी भर्ना गरीएको छ । सवैको नीजि विद्यालयमा पढाउन पहुँच पुगोस भन्ने उदेश्यले यस्तो सुविधा दिइएको स्कुलका प्रिन्सिपल भगवत लिम्वुले वताए ।

पछिल्लो समय लिवर्टी स्कुलले अभिभावक र विद्यार्थीहरुका लागि विभिन्न किसिमका अवसर र सुविधा दिएको छ । आर्थिक अभावका कारण स्कुल पढनबाट वन्चित हुन नपरोस भनेर योजनाहरु अघि सारेको प्रिन्सिपल लिम्वुको भनाई रहेको छ ।

तीनवटा जापानीज शैलीका भवनहरु सुरक्षित तवरले निर्माण गरी स्तर अनुसार  विद्यालयहरुको व्यवस्था गरीएको छ । प्रि प्राइमरी, प्राइमरी र छात्र छात्राहरुका लागि वेग्ला वेग्लै भवन तथा खेल मैदानको व्यवस्था छ ।

विद्यार्थीहरुलाई खेल्नको लागि प्ले जोनको व्यवस्था समेत गरेको स्कुलका डाइरेक्टर तेजमान लिम्वुले जानकारी दिएकाछन् ।