दोस्रो सुवास राई स्मृति सुपर ८ लिगको तयारी पुरा उद्घाटन खेल भोली

धरान,११ जेठ धरान उपमहानगरपालिकाको आयोजनामा हुन लागेको दोसो सुवास राई स्मृति सुपर ८ लिग कम नकआउट फुटबल प्रतियोगिता २०८० को तयारी पुरा भएको आयोजकले जनाएको छ ।

हाम्रो धरान भेट्रान क्लबको संयोजनमा हुन लागेको सो फुटवल प्रतियोगिताको उद्घाटन विहिवार हुने भएको छ ।

स्थानिय स्तरका खेलाडीहरूलाई व्यवसायीक र सक्षम खेलाडी उत्पादन गरि राष्ट्रिय तथा अन्तर्राष्ट्रिय स्तरमा खेल्न सक्ने खेलाडि उत्पादन गर्ने प्रतियोगिताको उदेश्य रहेको क्लबका सचिव उमेश जिमि ले वताएका छन्।

प्रतियोगितामा धरान–१,५,११,१४,१५,१६,१७ र २० वडाहरुको टिमवीच प्रतिष्पर्धा हुने आयोजकले जनाएको छ ।

प्रतियोगिताको उद्घाटन धरान उपमहानगरपालिकाका नगर प्रमुख हर्क साङ्पाङ्गले गर्ने कार्यक्रम तय भएको आयोजकले जानकारी दिएको छ । उत्घाटन खेल धरान वार्ड नं १७ विरूद्व धरान वार्ड नं ११ विच हुने भएको छ ।

प्रतियोगिता धरान १६ स्थित रंगशालामा हुने आयोजक समितिले जनाएको छ ।

गोधुलि क्लबका संस्थापक सदस्य, धरान फुटबल क्लबका निवर्तमान अध्यक्ष धरान उपमहानगरपालिकाको खेलकुद संयोजक समेत रहेका स्व. सुवास राईको स्मृतिमा लिग प्रतियोगिता गत वर्षबाट संचालन गरिएको हो ।

त्यसैगरी हाम्रो धरान भेट्रान क्लवको आयोजनामा दोस्रो हाम्रो धरान भेट्रान कप २०८० शुक्रवारबाट शुरु हुने भएको क्लवका अध्यक्ष अशोक कुमार राईले वताएकाछन् ।

सो प्रतियोगितामा प्रदेश १ भरीका जम्मा १४ वटा भेट्रान टिमले सहभागिता जनाएको अध्यक्ष राईले जानकारी दिएकाछन् ।
प्रतियोगिता धरान रंगशालामा हुने आयोजकले वताएको छ । स्व. सुवास राई स्मृति लिगको खेल सकिए लगतै भेट्रानको खेल शुरु हुनेछ ।