रास्वपाको धरानमा वडा कमिटी विस्तार जारी धरान १६ मा गुरुङको अध्यक्षतामा कमिटी गठन

छाल खवर
धरान,१० जेठः राष्ट्रिय स्वतन्त्र पार्टीले धरानका आफ्नो वडा किमिटी विस्तार गर्ने कार्यलाई तिव्रता दिन थालेको छ ।करीव एकहप्ता अघि मात्र नगर समिति गठन भएको सो पार्टीले शुक्रवार धरानको १६ नं वडामा कमिटी गठन गरेको हो ।

शुक्रवार भएको भेलाले सत्य गुरुङको सभापतित्वमा ११ सदस्यीय समिति गठन भएको धरान नगर संयोजक राजेशमान श्रेष्ठले जानकारी दिएकाछन् ।

सो समितिको उपसभापति र सचिवमा किरण वस्नेत र कृष्ण श्रेष्ठ रहेकाछन् ।

त्यसैगरी सदस्यहरुमा सरिता गुरुङ,सरोज श्रेष्ठ, झलकलाल श्रेष्ठ,अनिल राई,सरिता श्रेष्ठ,भोला गूुुरुङ,कर्ण सुनुवार,विमला गुरुङ, रहेकाछन् ।

भेलाले नगर समितिको प्रतिनिधिका लागि इन्द्रबहादुर कार्की र रामप्रसाद राई चयन गरेको छ ।

त्यसैगरी गणेश घले गुरुङलाई सल्लाहकारमा चयन गरेको नगर अध्यक्ष राजेशमान श्रेष्ठले जानकारी दिएकाछन् ।

अन्य वडामा पनि कमिटी गठन कार्यलाई तिव्रता दिने नगर संयोजक राजेशमान श्रेष्ठले बताएकाछन् ।

नगर संयोजक राजेशमान श्रेष्ठको सभापतित्वमा भएको सो भेलामा पार्टीकी कोशी प्रदेश उपाध्यक्ष सरिन तामाङ रहेकी थिइन ।पार्टीले यस अघि वडा नं ६ मा गठन गरीसकेको छ भने शनिवार धरान १५ मा गठनको तयारी रहेको संयोजक श्रेष्ठको भनाई रहेको छ ।