धरानमा महिला राष्ट्रिय कराँते प्रतियोगिता हुने

छाल खवर
धरान,१९ जेठ ः खेलकुदको शहर उपनामले परिचित धरानमा राष्ट्रिय महिला कराँते प्रतियोगिता आयोजना हुने भएको छ ।

सितेरियो कराँते परिवार धरानको आयोजनामा ‘विपि मेमोरियल महिला राष्ट्रिय कराँते प्रतियोगिता’ आयोजना हुने भएको हो ।

आयोजकले धरानमा पत्रकार सम्मेलन गरी दिएको जानकारी अनुसार जेठ २६ र २७ गते धरान रंगशालाको सेमि कभर्डहलमा हुने भएको हो ।

नेपाल पत्रकार महासंघ सुनसरीको सभाहलमा पत्रकार सम्मेलन गर्दै महिला खेलाडीहरुलाई प्रोत्साहन गर्नकालागी प्रतियोगिता आयोजना गर्न लागेको आयोजक समितिका संयोजक कुविरमान राईले जानकारी दिए ।

आयोजकका अनुसार प्रतियोगितामा आयोजक सहित १ नं. प्रदेश, मधेश प्रदेश,गण्डकी प्रदेश,वाग्मति प्रदेश, लुम्विनि प्रदेश सुदुरपश्चिम प्रदेश।, कर्णाली प्रदेश, नेपाल पुलिस क्लव र नेपाल आर्मि क्लव र शसस्त्र प्रहरी बल को टीम सहभागी हुने भएको छ ।

प्रतियोगिता ३५ केजी तौल समुह, त्यस्तै ४०, ४५, ५०, ५५, ६१, ६८, ६८ माथी, एकल काता, समुह काता (३ जना) मा प्रतिष्पर्धा हुनेछ ।

प्रतियोगिताको विजेता टिमलाई नगद ५० हजार, उपविजेतालाई ३० हजार र तेस्रो हुने टिमलाई २० हजार पुरस्कार राशि प्रदान गरिने आयोजकले जनाएको छ ।

प्रतियोगितामा १४ लाख ९२ हजार ७ सय रुपैया खर्च हुने आयोजक समितिका संयोजक कुविरमान राईले वताए ।