भ्रष्ट्राचारले मुलुक जरजर वनेको छ –शिक्षा मन्त्री अशोक राई

छाल खवर
धरान,१५ असार ः शिक्षा विज्ञान तथा प्रविधि मन्त्री अशोक राईले मुलुक भ्रष्ट्राचारले जरजर वनेको वताउनु भएको छ ।

शुक्रवार शारदा बालिका नमुना माध्यामिक विद्यालय धरानमा आयोजित अन्र्तक्रिया कार्यक्रममा वोल्दै मन्त्री राईले सो कुरा वताउनु भएको हो ।

मन्त्री राईले मुलुकको अर्थतन्त्र कमजोर रहेको वताउदै जनताले गरेको अपेक्षा अनुसार कुनै क्षेत्रमा वजेट लगानी गर्न नसकिने वताउनु भयो ।

उहाले राजश्व संकलनलाई वढी मात्रामा ध्यान दिदै लगीएको र अर्थतन्त्र सुधार हुदै गएपछि जनताको आवस्यकता पुरा गर्र्दै जाने उल्लेख गर्नुभयो ।

कार्यक्रममा वोल्दै मन्त्री राईले सामुदायिक विद्यालयको स्तर उकास्नको लागि सरकारले विशेष पहल गरीरहेको र नीतिगत रुपमा पनि अघि वढेको वताउनुभयो ।

नीजि विद्यालयमा मात्र पढाउनु पर्छ भन्ने सोचमा परिवर्तन गरेर सामुदायिक विद्यालय शिक्षामा ध्यान दिनुपर्नेमा जोडदिनुभयो ।
विद्यालयका व्यवस्थापन समिति,शिक्षक र कर्मचारीले राखेको जिज्ञासाका विषयमा वोल्दै मन्त्री राईले सीमित साधन स्रोतका वावजुत आफूले विद्यालयलाई सक्ने सहयोग गर्ने प्रतिवद्धता समेत जनाउनुभएको थियो ।

विद्यालय व्यवस्थापन समितिकी अध्यक्ष दिभा श्रेष्ठले विद्यालयको समग्र विषयमा जानकारी गराउदै सहयोग गर्न आग्रह गर्नुभएको थियो ।
वालिका नमुना माध्यामिक विद्यालय वालिका मात्र अध्ययन गर्ने प्रदेश कै एकमात्र विद्यालयको रुपमा रहेको छ । विद्यालयमा कक्षा १ देखि १२ सम्म ६ सय २१ जना विद्यार्थीहरु अध्ययनरत रहेको विद्यालयको अभिलेखमा उल्लेख गरीएको छ ।

सो कार्यक्रममा १६ नं वडाका वडाध्यक्ष मुरारी भट्टराई, जनता समाजवादी पार्टी धरान नगर समितिका अध्यक्ष ताजुव लिम्वु, नेपाल पत्रकार महासंघ सुनसरीका सहसचिव भोला श्रेष्ठ लगायतको उपस्थिति रहेको थियो ।