विष्णु मेमोरीयल स्कुलमा ट्राफिक सचेतना

छाल खवर
धरान,१७ असारः विष्णु मेमोरीयल वोडिङ स्कुल धरान ९मा ट्राफिक सचेतना कार्यक्रम सम्पन्न भएको छ ।

स्कुलमा अध्ययनरत कक्षा ६ देखि १० सम्मका विद्यार्थीहरूलाई ट्राफिक सचेतना दिईएको हो ।

जिल्ला ट्राफिक कार्यालय सुनसरीका प्रहरी सहायक निरीक्षक नारद प्रसाद दाहालले ट्राफिक नियम, सडक दुर्घटनाको जोखिम, कारण, न्युनिकरणका उपायहरू, दण्डसजाय तथा ट्राफिकसँग सम्बन्धित अन्य विविध विषयहरूमा आवश्यक जानकारी दिनुभएको थियो ।

स्कुलको आयोजना तथा जिल्ला ट्राफिक कार्यालय सुनसरीको सहकार्यमा सहकार्यमा विद्यालयको सभाहलमा शुक्रवार ट्राफिक सचेतना कार्यक्रम आयोजना गरीएको थियो ।

उक्त अवसरमा विद्यार्थीहरूले तयार गरेका विभिन्न जानकारीमूलक पोस्टर, प्ले कार्ड र मोडेल प्रदर्शन गरेका थिए ।

विद्यार्थीहरुलाई सवारी संचालन गर्दा अपनाउनु पर्ने नियमको वारेमा जानकारी दिनको लागि ट्राफिक सचेतना कार्यक्रमको आयोजना गरीएको स्कुलका प्रिन्सिपल निलम श्रेष्ठले वताउनु भयो ।

स्कुलले विभिन्न समयमा सचेतना कार्यक्रमहरु आयोजना गर्दै आएको छ ।