वडास्तरीय विद्यालय हाजिरी जवाफमा जेनिथ प्रथम

छाल खवर
धरान,१८ असारःभगवति आधारभूत विद्यालय धरान १६ को आयोजनामा वडा स्तरीय विद्यालय हाजिरी जवाफ प्रतियोगिता सम्पन्न भएको छ ।

धरान उपमहानगरपालिका वडा नं १६ को सहयोगमा भएको सो प्रतियोगितामा जेनिथ अंग्रेजी माध्यामिक विद्यालयले प्रथम स्थान हासिल गर्न सफल भएको थियो ।

त्यसैगरी प्रतियोगितामा सिदार्थ शिशु सदन स्कुलले दोस्रो स्थान हात पर्न सफल वनेको थियो भने सियोन स्कुलले तृतिय स्थान हात पारेको थियो ।

त्यसैगरी प्रतियोगितामा शारदा बालिका नमुना माध्यामिक विद्यालयले सान्तवना स्थानमा चित्त वुझाउनु परेको थियो ।

प्रतियोगितामा भगवति आधारभूत विद्यालय,पंचायत आधारभूत विद्यालय,चन्द्र संस्कृत माध्यामिक विद्यालय र लिगामेन्ट रेसिडेन्सियल स्कुल गरी ८ वटा स्कुलहरु सहभागिता जनाएका थिए ।

विद्यार्र्थीहरुमा भएको वौद्धिकतालाई प्रष्फुटन गर्नको लागि प्रतियोगिताको आयोजना गरीएको विद्यालयका प्रधानाध्यापक अच्चुत पराजुलीले जानकारी दिनुभयो ।

कार्यक्रममा वडाका कार्यवाहक अध्यक्ष भीम लिम्वु प्रमुख अतिथि रहेका थिए भने विद्यालय व्यवस्थापन समिति अध्यक्ष सुनिल नेपालको अध्यक्षतामा भएको थियो ।