होलील्याण्ड स्कुलले होलील्याण्ड कप आयोजना गर्ने

छाल खवर
धरान,२० असार ः होली ल्याण्ड इन्टरनेशनल स्कुल धरान–१५ ले कक्षा ८ देखि एसइइ दिएर बसेका विद्यार्थीहरुको लागि प्रदेश स्तरीय होलील्याण्ड बास्केटबल कप आयोजना गर्ने भएकोछ ।

स्कुलले विद्यार्र्थीहरुको शारिरीक, मानसिक तथा बौद्धिक विकासका निमित्त होलिल्याण्ड कप २०८० ९पुरुष फुल सेट र महिला ३ बाई ३ सञ्चालन गर्न लागेको हो ।

विद्यालयमा पढाई, सिकाईका साथै अतिरिक्त क्रियाकलापहरुमा पनि विद्यार्थीहरुको सक्रिय सहभागिताको अपेक्षा सहित प्रतियोगिताको आयोजना गर्न लागिएको स्कुलका प्रिन्सिपल राजकुमार लिम्वुले जानकारी दिनुभएको छ ।

लिम्वुका अनुसार प्रतियोगिता असार २२, २३ र २४ गते होलील्याण्ड इन्टरनेश्नल स्कूलको खेल मैदान धरान १५ मा सञ्चालन हुने सो प्रतियोगिता कोशी प्रदेश स्तरीय हुनेछ ।

प्रतियोगितामा पुरुष तफका विजेताले नगद र १०००० हजार, ट्रफि, मेडल र प्रमाण पत्र प्राप्त गर्नेछन भने उपविजेताले नगद ५,००० हजार, ट्रफि, मेडल र प्रमाण पत्र प्राप्त गर्नेछन् भने महिला तर्फका विजेताले ८०००, उपविजेताले रु ४००० प्राप्त गर्नेछन् ।

प्रतियागिताको मष्ट भ्यालुएवल प्लेयर, राइजिङ प्लेयर तथा हरेक खेलमा म्यान अफ दि म्याचले मेडल र प्रमाण पत्र प्राप्त गर्ने आयोजकले जानकारी दिएको छ ।

प्रतियोगितामा महिला र पुरुष विधामा करिब २२ वटा टिमको सहभागिता रहने अनुमान गरिएको छ ।

विद्यार्थीहरुको शारीरिक तथा मानसिक विकास गर्नको लागि र खेलको माध्यमबाट स्वास्थ्य हुन सकिन्छ भन्ने सन्देश दिनको लागि पनि प्रतियोगिता आयोजना गर्न लागिएको स्कुलका डाइरेक्टर अर्जुन मेन्याङ्वोले जानकारी दिनुभयो ।

प्रतियोगितामा कोशी प्रदेश भरीका २२ स्कुलका पुरुष तथा महिला खेलाडी सहभागी हुने आयोजकको भनाई रहेको छ ।

प्रतियोगिताको प्राविधिक सहयोग हराईजन क्लबले गर्ने आयोजकले जनाएकोछ