अण्डर १६ पुरुष साफ च्याम्पियनसिपका लागि कोशी प्रदेशस्तरीय छनौट सुरु

छाल खवर
धरान,१० साउनः धरानमा अण्डर १६ पुरुष साफ च्याम्पियनसिप फुटबल प्रतियोगिताका लागि कोशी प्रदेशस्तरीय छनौट प्रकृया शुरु भएको छ ।

अखिल नेपाल फुटबल सङ्घको आयोजनामा बुधवारबाट शुरु भएको हो ।

प्रतियोगितामा कोशी प्रदेशका १४ वटै जिल्लाबाट खेलाडीहरु सहभागी भएका छन् ।

एन्फा प्रदेश अध्यक्ष किशोर राईले प्रदेशभरीबाट करिव ४ सयको हाराहारीमा खेलाडीहरु सहभागिता रहेको वताए ।

कोशी प्रदेश फुटबल सङ्घका अध्यक्ष किशोर राईका अनुसार धरान तीन दिनसम्म चल्ने छनौट प्रतियोगिताबाट छानिएका उत्कृष्ट खेलाडीले काठमाण्डौमा हुने राष्ट्रिय छनौट प्रतिस्पर्धामा सहभागिता जनाउन पाउने छन् ।

प्रादेशिक छनौटपछि काठमाण्डौमा साउन १६ देखी हुने राष्ट्रिय छनौट प्रतियोगिताबाट यु१६ को राष्ट्रिय टोली घोषणा गरिने कोशी फुटबल सङ्घका महासचिव भगीरथ आलेले जानकारी दिए ।

आगामी सेप्टेम्बर १ देखि १० तारिखसम्म भुटानमा आयोजना हुने प्रतियोगितामा नेपालले पहिलो खेल सेप्टेम्बर ३ तारिखमा बङ्गलादेशसँग खेल्नेछ।