विपन्न परिवारलाई प्रहरी श्रीमतीसंघद्धारा झुुल वितरण

छाल खवर
धरान,३० साउन ः नेपाल प्रहरी श्रीमती संघ कोशी प्रदेशले डेङ्गु प्रभावितहरुको निम्ति धरानमा झुल सहित लामखुट्टेका टोकाईबाट वच्नको लागि अन्य सामाग्रीहरु वितरण गरेको छ ।

संघले धरान १७ का अति विपन्न परिवारलाई सामाग्री वितरण गरेको हो ।

वडा सचिव शिशिर श्रेष्ठले १सय ७० घर परिवारलाई झुल वितरण गरिएको वताए ।

उनका अनुसार वडाको हरेक टोल विकास संस्थाले सीमान्तकृत समुदायको नामावाली पठाएको आधारमा एक घर एक झुल वितरण गरिएको हो ।

धरान १७ नम्बर वडा अति डेङ्गु प्रभावित वडा भएकाले पनि वडावासीलाई झुल,लामखुट्टे धपाउने धुप र मल्हम प्रदान गरिएको संघका सचिव नेपालले बताइन ।

वडा कार्यालयका अनुसार पहिलो चरण कार्यक्रम अन्र्तगत डेङ्गुबाट वच्नको लागि झुल वितरण गरिएको छ । क्रमस झुल वितरण गर्दै जाने वताइएको छ ।

प्रदेश प्रहरी कार्यालयका प्रहरी प्रमुख डिआइजी राजेशनाथ बास्तोलको प्रमुख आतिथ्यतामा झुल वितरण गरिएको थियो ।