विरेन्द्र मेमोरीयल कलेजकी छात्रा यशोदा लिम्वु प्रदेश प्रथम भएको कलेजको दावी

छाल खवर
धरान,३२ साउनः विरेन्द्र मेमोरीयल कलेज धरानले विविएस परिक्षामा आफ्नो विद्यार्थी प्रदेश कै उत्कृष्ट भएको दावी गरेको छ ।

त्रिभुवन विश्व विद्यालयले लिएको वाणिज्य संकायको दोस्रो वर्षको परिक्षामा यशोदा लिम्वुले प्रदेश कै उत्कृष्ट नतिजा ल्याउन सफल वनेको कलेजको दावी रहेको छ ।

कलेजले दिएको जानकारी अनुसार यशोदा लिम्वुले वाणिज्य संकायको परिक्षामा जम्मा अंक ३७७ अर्थात ७५.४ प्रतिशत नम्वर ल्याएर प्रदेश उत्कृष्ट भएको कलेजका प्रिन्सिपल तारा बहादुर निरौलाले जानकारी दिनुभएको छ ।

उहाले हालसम्म ७५.४ प्रतिशत नतिजा ल्याएको कसैले पनि दावी भएकोले आफ्नो विद्यार्थी प्रदेश प्रथम भएको दावी रहेको वताउनु भयो ।

उहाले भन्नुभयो –हाम्रो भन्दा माथि कसैले ल्याउनको जानकारी आएको छैन त्यसैले हामी नै प्रथम हो । केही कलेजले ७० प्रतिशत ल्याउदा प्रदेशको उत्कृष्ट रहेको भ्रम छरेकोले वास्तविकता स्पष्ट पारेको समेत कलेजको भनाई रहेको छ ।

लिम्वुले १०० पुणाङ्कमा ९१ अंकसम्म ल्याउन सफल भएको उनले प्राप्त गरेको प्रमाण पत्रमा उल्लेख गरीएको छ ।

विविएस प्रथम वर्षमा भर्ना खुलेको जानकारी समेत गराउनु भएको छ ।