छाल खवर
धरान,२९ भदौ ःहिविसकस इङलिस बोडिङ स्कुल धरान– १५ ले विभिन्न कार्यक्रम सम्पन्न गरेको छ ।
स्कुले ५९ औं बाल दिवसका अवसर पारेर विभिन्न कार्यक्रम सम्पन्न गरेको हो ।
हिविसकस बाल क्लवको आयोजनामा भएको सो कार्यक्रममा अन्तर्गत नृत्य,गायन, नाटक र कविता बाचन कार्यक्रम आयोजना गरीएको थियो ।
कार्यक्रममा बालक्लवका पूर्व अध्यक्ष आयुषा श्रेष्ठ प्रमुख अतिथि रहेकी थिइन भने कक्षाका हाउस क्याप्टेनहरु अथिति रहेका थिए ।
कार्यक्रममा शिक्षक मनिष श्रेष्ठले गीत गाएका थिए भने प्रज्वलिता श्रेष्ठले कविता वाचन गरेकी थिइन । कार्यक्रममा शिक्षिकाहरुले सामुहिक नृत्य प्रस्तुत गरेर मनोरन्जन दिएका थिए ।
विद्यार्थीहरुलाई कार्यक्रम आयोजना गर्ने आत्म विश्वास र क्षमताको विकास होस भन्ने उदेश्यले सम्पूर्ण कार्यक्रम आयोजनाको सवै कामको जिम्मेवारी दिइएको स्कुलका निर्देशक गंगाराम राईले वताए ।
क्लवका अध्यक्ष सायल खवासको सभापतित्वमा भएको सो कार्यक्रमको संचालन दिविका राई र अमन तामाङले गरेका थिए ।
Copyright © 2020 / 2026 - Chhalkhabar.com All rights reserved
Website By : Hash Tech Logic
