विश्वासको मत लिन नसकेपछि मुख्यमन्त्री कार्कीले दिए राजीनामा

छाल खवर
धरान,२० असोजःविश्वासको मत लिन नसकेपछि कोशी प्रदेशका मुख्यमन्त्री हिक्मत कुमार कार्कीले पदबाट राजीनामा दिएका छन् ।

शनिवार विश्वासको मत लिने समयमा मत पाउन नसकेपछि राजीनामा घोषणा गरेका हुन् ।

मुख्यमन्त्री काकीले विश्वासको मत लिँदा पक्षमा बहुमत नपुग्ने अवस्था देखेपछि राजीनामाको बाटो रोजेका थिए । नेपालको संविधानको धारा १६८ (३)अनुसार ठुलो दलको हिसाबमा कार्की मुख्यमन्त्री चयन भएका हुन् ।

सर्वोच्च अदालतको परमादेशपछि गएको भदौ २२ गते कार्की मुख्यमन्त्रीमा नियुक्त भएका थिए । प्रदेश सभा बैठकमा बोल्दै उनले बाहिरै बसेर भए पनि सङ्घीयता कार्यान्वयनमा सहयोग गर्ने बताए ।स्थायी सरकार नहुँदा प्रदेश संरचनाको विषयमा जनतामा वितृष्णा बढेको उनको भनाइ छ ।

कार्कीको राजीनामासंगै गठवन्धन दलहरुले मुख्यमन्त्री चयनका लागि छलफल शुरु गरेकाछन् ।

मुख्यमन्त्रीमा माओवादी संसदीय दलका नेता इन्द्र बहादुर आङ्वो, निवर्तमान मुख्यमन्त्री उद्धव थापा र केदार काकीले आफ्नो दावी प्रस्तुत गरेकाछन् ।