हिविसकसका विद्यार्थीहरुलाई व्यवहारीक शिक्षाको तालिमम

छाल खवर
धरान,२३ कार्तिक ः हिविसकस इङ्लिस वोडिङ स्कुल धरान–१५ का विद्यार्थीहरुलाई विदाको समयको सदुयोग गर्दै व्यवहारीक शिक्षाको एक हप्ते तालिम दिइएको छ ।

स्कुलले दशै र तिहारको छुट्टीको समयलाई सदुपयोग गर्दै एक हप्ते व्यवाहारीक लेखन सम्वन्धि तालिम दिएको हो ।

विद्यार्थीहरुलाई कार्यालयहरुमा दिने निवेदनको ढाचा,प्रस्ताव लेखन सम्वन्धि तालिम र वैठकमा माइन्युट लेखन सम्वन्धि तालिम दिएको स्कुलका निर्र्देशक गंगाराम राइृले जानकारी दिनुभएकाछन् ।

कार्तिक १७ गते देखि शुरु भएको सो तालिम विहिवार सम्पन्न भएको थियो ।

तालिममा शिक्षक सुवास मोक्तान, विकास कुमार शाहले दिएका थिए भने समापनमा पत्रकार तीर्थ कार्किले मोटीभेसन सम्वन्धि तालिम दिएका थिए ।

विद्यार्थीहरुलाई व्यवहारीक ज्ञान दिने उदेश्यले तालिम दिएको निर्देशक राई वताए । सामान्य निवेदन लेख्नको लागि समेत अरुको सहयोग लिनुपर्ने भएकोले यो तालिम प्रभावकारी हुने विश्वास लिएको वताए ।

हरेक स्कुलहरुमा बालक्लव गठन भएको र वैठकको माइन्युट लेख्नु पर्ने भएकोले विद्यार्थीहरुलाई सहज हुने पनि राईको भनाई रहेको छ ।

विदाको समयको सदुपयोग गर्दै विद्यार्थीहरुले व्यवहारीक ज्ञान लिएको रार्इृले उल्लेख गरेका छन् ।
हिविसकस स्कुलले पढाईका अतिरीक्त विभिन्न कार्यक्रमहरु आयोजना गर्दै आएको छ ।