ब्रह्मकुमारी राजयोग सेवा केन्द्र धरानले १ सय जनालाई सम्मान गर्नै

छाल खवर
धरान,१६मंसिर ःब्रह्मकुमारी राजयोग सेवा केन्द्र धरानले आउँदो सोमवार धरान क्षेत्रमा रहेर सामाजिक क्षेत्रमा योगदान गर्ने १ सय जनालाई सम्मान गर्ने भएको छ ।

सो अवसरमा भारतको माउण्टआबु स्थित अन्तर्राष्ट्रिय प्रजापिता ईश्वरीय विश्वविद्यालयका प्रसिद्ध उत्प्रेरक प्राध्यापक ईवी गिरिसबाट धरानका विद्यार्थीहरूलाई कलेजहरूमा उत्प्रेरक कक्षा सञ्चालन गर्ने भएको छ ।

सोही अवसरमा धरानका १०० समाजसेवीहरूलाई सम्मान गरिने केन्द्रकी नानीमैया श्रेष्ठले जानकारी दिएकी छिन् ।

शनिवार पत्रकार सम्मेलन आयोजना गरी श्रेष्ठले तनाव मुक्ति अहिलेको सबै भन्दा पहिलो समस्या समाधान भएको बताइन् ।

व्यक्तित्व विकास एवं चरित्र निर्माणको आधार राजयोग ध्यानको माध्यमबाट सकारात्मक चिन्तनका साथ जीवन जिउने कला, व्यसन र तनावबाट मुक्ति पाउन सकिने पनि वताईन ।

विज्ञानले ल्याएको विश्वव्यापी परिवर्तनले युवा पुस्तामा प्रतिस्पर्धा सँगै तनाव बढाएको छ, परिवर्तनलाई सहज रूपमा जीवनोपयोगी बनाउन ज्ञानको प्रयोग जरुरी भएको र त्यो ज्ञान राजयोग ध्यान नै भएको ब्रह्मकुमार सुनिल श्रेष्ठले बताए ।

टोलीले नेपालका विभिन्न सहरहरूमा सामाजिक, धार्मिक, शिक्षा, स्वास्थ्य, साहित्य, महिला सशक्तीकरण, खेलकुद, प्रकृतिको संरक्षणका उत्प्रेरक कार्यक्रम गर्नेछन् ।

ब्रह्मकुमारी राजयोग अन्तर्राष्ट्रि«य मुख्यालयबाट ‘आऔँ हामी मिलेर बनाऔँ एक स्वर्णिम समायक अभियान लिएर एक टोली नेपाल आउने जानकारी दिएको छ ।