वि क्याटगरी क्लव स्तरीय फुटसल प्रतियोगिता

छाल खवर
धरान,१९ मंसिर ः श्रृजना युथ क्लव धरानको आयोजनामा वि क्याटगरी क्लव स्तरीय फुटसल प्रतियोगिता आयोजना गर्ने भएको छ ।

युवाहरुलाई खेल क्षेत्रमा प्रोत्साहन गर्ने उदेश्यले प्रतियोगिता आयोजना गर्न लागिएको हो ।

क्लवका अध्यक्ष सुवोध राईले धरान क्षेत्रका करिव २० वटा क्लवहरुले सहभागीता जनाउने जानकारी दिएकाछन् ।
प्रतियोगिता १० स्थित धरान फुटसलमा आयोजना गरीने अध्यक्ष राईको भनाई रहेको छ ।

प्रतियोगितामा प्रथम स्थान हासिल गर्ने टिमले नगद ५० हजार, दोस्रो हुने टिमले २५ हजार पुरस्कार प्राप्त गर्ने आयोजकले जनाएको छ ।

वेष्ट प्लेयर, वेष्ट किपर, हाइस्कोलर, फेयर टिम लाई नगद २ हजारका दरले पुरस्कृत गरीने क्लवले जनाएको छ ।
क्लवले विगत वर्षहरुमा पनि उक्त प्रतियोगता आयोजना गर्दै आएको छ ।

प्रतियोगितामा करिव २ लाख खर्च लाग्ने अनुमान रहेको आयोजकले जनाएको छ ।

वडाले खेलक्षेत्रलाई प्रोत्साहन गर्नको लागि सहयोग गर्दै आएको वडा सदस्य भिम लिम्वुले वताए ।