धरान–१५ स्थित वडा कार्यालयमा कोशी प्रदेश हटाइयो

छाल खवर
धरान,२३ मंसिर ःकोशी प्रदेशको नाम खारेजको माग राखी आन्दोलनरत पहिचानबादीहरुले धरान उपमहानगरपालिका वडा नं. १५ समितिमा राखीएको वोडमा कोशी प्रदेश हटाएको छ ।

पहिचानको आधारमा नामकरणको माग गर्दै आएका आन्दोलनकारीहरुले धरान १५ स्थित वडा कार्यालयमा लेखिएको कोशी प्रदेश नाम हटाएका हुन् ।

पहिचानवादी आन्दोलनकारीले धरान–१५ को वडा कार्यालय र सामुन्ने रहेको आधारभूत स्वास्थ्य सेवा केन्द्रको साइनबोर्डमा लेखिएको ुकोशी प्रदेशु लेखिएको ठाउमा कालो पातेर हटाएका थिए ।

आज समूहमा वडा कार्यालय पुगेका आन्दोलनकारीले नाराजुलुश गर्दै कोशी नाम खारेजीको माग गरे ।

जनमूक्ति पार्टीसम्बद्ध नेता विष्णु थाम्देनका अनुसार प्रदेशभरि नै आन्दोलनस्वरुप अभियान चलाएको संचालन गरीएको छ ।

यसअघिसमेत पहिचानवादी युवाले विभिन्न कार्यालयका साइनबोर्ड र होडिङ बोर्डमा लेखिएका कोशी प्रदेश मेट्टाउँदै आएका छन् ।
पहिचानवादीहरुले कोशी प्रदेश नाम नहटाएसम्म निरन्तर आन्दोलन गर्ने वताउदै आएकाछन् ।