माया घर नेपाललाई विष्णु स्कुलद्धारा सहयोग

छाल खवर
धरान,२४ मंसिर ःधरान–९ स्थित विष्णु मेमोरीयल वोडिङ स्कुलले इटहरी–२ स्थित माया घर नेपाललाई सहयोग गरेको छ ।

शिक्षासँगै संस्कारू कार्यक्रम अन्तर्गत विष्णु मेमोरीय स्कुलले सहयोग गरेको हो ।

माया घरलाई शुक्रबार विविध सहयोग सामाग्री उपलब्ध गराएको स्कुलले जनाएको छ ।
मानव सेवा गर्दैआएको उक्त संस्थाले मानसिक रोगी तथा असहाय हिंसा पीडीत एवम् सडक मानवहरुको उद्धार तथा संरक्षण गर्दै आएको छ ।

विद्यार्थीहरूलाई शिक्षासँगै असल संस्कार र असहाय मानवप्रति निस्वार्थ सेवा तथा करुणाभाव अभिवृद्धि गराउने उद्देश्यले कक्षा ९ मा अध्ययनरत विद्यार्थी, शिक्षक तथा कर्मचारीहरूले स्वेच्छिक रुपमा संकलन गरेको सहयोग रकम नगद रू ४६हजार ९ सय ५ नगद तथा ३५ केजी सुन्तला, २५ मुठा साग, लगाउन योग्य लत्ताकपडा हस्तान्तरण गरएिको स्कुलका प्रिन्सिपल निलम कुमार श्रेष्ठले वताउनु भयो ।

संस्थाका व्यवस्थापन समितिका सचिव बाबुराम सुवेदीलाई सो सामाग्री हस्तान्तरण गरीएको प्रिन्सिपल श्रेष्ठले थप जानकारी दिनुभयो ।

समितिका सचिव सुवेदीले पुण्य कार्यमा सहयोग गर्नुहुने सम्पूर्ण विद्यार्थी, शिक्षाका कर्मचारी र अभिभावक सवैप्रति हार्दिक आभार व्यक्त गरेका थिए ।