भोटिङ मेसिनबाट भोट गर्ने तरिका सिकाउँदै एकीकृत समाजवादीको निर्वाचन आयोग

छाल खवर
काठमाडौँ,२५मंसिर ः नेकपा ( एकीकृत समाजवादी )को निर्वाचन आयोगले इलेक्ट्रिकल भोटिङ मेसिनबाट भोट गर्ने तरिका सिकाएको छ ।

शनिबार पार्टीको केन्द्रीय कार्यालयमा आयोगले इलेक्ट्रिकल भोटिङ मेसिनबाट भोट गने तरिका सम्बन्धी प्रशिक्षण कार्यक्रम सम्पन्न गरेको हो ।

प्रशिक्षण कार्यक्रममा नमुना भोटीङ समेत गरिएको थियो । भोटीङ मेसिन र भोट गर्ने तरीका बारे राम लक्ष्मण रिमालले जानकारी गराउनु भएको थियो ।

पार्टीका सम्मानित नेता तथा पूर्व प्रधानमन्त्री झलनाथ खनालको प्रमुख आतिथ्यतामा भएको कार्यक्रममा निर्वाचन आयोग सहित केन्द्र, प्रदेश र जिल्ला तहका एक सय ५० वढी नेता कार्यकर्ताहरुको सहभागिता रहेको थियो ।

कार्यक्रम पछि इलेक्ट्रिकल भोटिङ मेसिन र भोट गर्ने तरिका सहित त्यसका चुनौतीका बारेमा छलफल र अन्तरकृया भएको थियो ।

आयोगका सचिव रोशन शर्माले संचालन गरेको कार्यक्रमको अध्यक्षता आयोगका अध्यक्ष माधव पौड्यालले गर्नुभएको थियो ।