डी पी विलिभर्स स्कुलमा एक दिने क्यारियर सेमिनार सम्पन्न।

छाल खवर
धरान,५ पुषः डी पी विलिभर्स स्कुल धरान ५ ले विद्यार्थीहरुको लागि एक दिने म्यारीयर सेमिनार सम्पन्न गरेको छ ।

स्कुलले कक्षा ७, ८ र ९ मा अध्ययनरत विद्यार्थीहरुकोलागी एक दिने क्यारियर सेमिनार सम्पन्न भएको हो ।

स्कुलका प्राचार्य वान्तवाको अध्यक्षतामा सम्पन्न उक्त सेमिनारमा क्रमसस बिमला याखा (व्यावसायिक नर्स), बन्दना याखा (व्यावसायिक एयरहोस्टेस र डेन्टल नर्स र सोफिया याखा व्यावसायिक परामर्शदाता)ले छुट्टा छुट्टै सत्रहरूमा विद्यार्थीहरुलाई आफ्नो अनुभवसंगै चिकित्सा बिज्ञान, उड्डयन क्षेत्र र मानसिक स्वास्थ्यको महत्वको बारेमा बताउनुभएको थियो।

प्राचार्य बान्तवाले वक्ताहरुलाई स्वागत गर्दै विद्यार्थीरूलाई विभिन्न पेशाबारे सचेत गराउन उक्त क्यारियर सेमिनारको आयोजना गरेको बताउनु भयो ।

सेमिनारमा विद्यार्थीहरुले वक्ताहरुसंग प्रश्न उत्तर साथै अन्तरक्रिया गरेका थिए ।

स्कुलका सह प्राचार्य कुर्मित बान्तवा (लेप्चा) ले वक्ताहरुलाई धन्यवाद ज्ञापन गर्नुभएको थियो । उक्त कार्यक्रम शिक्षक बिरेन्द्र लिम्बुले संचालन गरेका थिए।

स्कुलले विभिन्न समयमा पढाईका अतिरिक्त कार्यक्रमहरु गर्दै आएको छ ।