समाजवादी मोर्चा धरानका संयोजकमा सम्फर तामाङ

छाल खवर
धरान,७ पुषः समाजवादी मोर्चा धरानको संयोजकमा नेकपा माओवादी केन्द्रका धरान नगरका कार्यवाहक अध्यक्ष सम्फर तामाङ चयन भएकाछन् ।

शनिवार भएको मोर्चाको भेलाले तामाङको संयोजकत्वमा कमिटी घोषणा गरेको हो ।

नेपालभरका पालिकास्तरसम्म समाजवादी मोर्चा सङ्गठन बिस्तार गर्ने मोर्चाको केन्द्रीय नीति र निर्णय अनुसार शनिवार धरानमा नेकपा माओवादी केन्द्र कावा अध्यक्ष तामाङको संयोजकत्वमा दलबाट दुई दुई जना प्रतिनिधित्व गर्दै ८ सदस्यीय कमिटी गठन भएको छ ।

मोर्चामा नेकपा माओवादी केन्द्र ,जनता समाजवादी पार्टी ,एकीकृत समाजवादी ,नेपाल कम्युनिस्ट पार्टी आवद्ध रहेका छ्न ।

मोर्चामा माओवादी केन्द्रबाट संयोजक तामाङ र सर्वजित राई, जनता समाजवादी पार्टीका ताजुब लिम्बू र शम्भु राई, एकीकृत समाजवादीका रेवती राई र खेम दाहाल साथै नेपाल कम्युनिस्ट पार्टीका मोहन कार्की र परिता राई रहेका छ्न ।

सुनसरी उद्योग वाणिज्य सङ्घको सभा हलमा आयोजित भेलामा नेकपा माओवादी केन्द्रका सचिव तथा पूर्व कृषि मन्त्री चक्रपाणी खनाल (बलदेव) ले मोर्चाको कमिटी घोषणा गरेका हुन् ।

कार्यक्रममा नेकपा (एकिकृत समाजवादी) पार्टीका केन्द्रीय सचिव तथा प्रदेश १ का पूर्व मुख्यमन्त्री राजेन्द्र कुमार राई केन्द्रीय सदस्य जीवन राई लगायतका नेताहरुको उपस्थिति रहेको थियो ।