नेकपा (एकीकृत समाजवादी) बाट घनश्याम रिजाल र सावित्री मल्ल उम्मेदवार

छाल खवर
काठमाडौँ,२३ पुष ः नेकपा (एकीकृत समाजवादी) ले राष्ट्रियसभा निर्वाचनका लागि दुई जना उम्मेदवारको टुंगो लगाएको छ।

सोमबार बिहान बसेको कार्यदलको बैठकले बागमतीबाट दलित क्लष्टर कोटामा दोलखाका घनश्याम रिजाल विश्वकर्मा र कर्णालीबाट महिला कोटामा दैलेखकी सावित्री मल्ललाई उम्मेदवार बनाएको हो।

पार्टी सचिव जीवनराम श्रेष्ठका अनुसार एकीकृत समाजवादीको भागमा परेको बागमती र कर्णालीबाट क्रमशः दोलखाका विश्वकर्मा र दैलेखकी मल्ललाई उम्मेदार चयन गरिएको हो।

आइतबार बसेको ७२औं सचिवालय बैठकले उम्मेदवार टुंग्याउने सर्वाधिकार पार्टी अध्यक्ष माधवकुमार नेपाल, उपाध्यक्ष राजेन्द्र पाण्डे र महासचिव घनश्याम भूसाललाई दिएको थियो।