होप धरानको चार सहयोग

छाल खवर
धरान,१८ माघ ः होम धरानले विभिन्न चार क्षेत्रमा आर्थिक तथा भौतिक सहयोग गरेको छ ।

धरान नगरपालिकाका नगरप्रमुख हर्कराज राई (हर्क साम्पाङ)को कार्यकक्षमा सो सहयोग वितरण गरीएको हो ।

होप धरानले धरान उपमहानगरपालिका वडा नं ४ को पवित्र बालआश्रमलाई एक थान २१ इन्चको एलजि टिभि, सशस्त्र प्रहरी बल धरान फुुस्रे युनिटलाई औषधी वितरण,धरान–१८ निवासी मृगौला पीडित कमला शाहीलाई उपचार सहयोग रु ६ हजार साथै भोजपुर गड ट्यालेन्टका प्रतियोगिता ८ वर्षिय सुन्न र वोल्न नसक्ने कौशिका ल्वागुनलाई भोटिङको निम्ति १० हजार ३ सय २० रुपैया नगर प्रमुख हर्कराज राईको हातबाट वितरण गरीएको थियो ।

प्रमुख अतिथि राईको हातबाट हस्तान्तरण गरीएको थियो ।सोही अवसरमा नगरप्रमुख राईले आफ्नोतर्फबाट मृगौला पीडित शाहीलाई नगद ५ हजार थप सहयोग गरेका थिए ।

सो कार्यक्रममा होप धरानले संस्थाका युुके ओभरसिज कोअर्डिनेटर संगीता वर्देवालाई नगरप्रमुखबाट सम्मान पत्रले सम्मान गरीएको थियो ।

सामाजिक कार्यमा सकृय होप धरानले यस अघि पनि विभिन्न किसिमका सहयोगहरु गर्दै आएको छ ।