प्याव्सन धरानको कार्यक्रम सम्पन्न

छाल खवर
धरान,५ फागुनः नगर प्याव्सन धरानको आयोजनामा भएको दोस्रो अध्यक्ष रनिङ कपको उपाधि प्रभात इङ्लिस स्कुल धरान १२ले हात पारेको छ ।

प्रभातले नगद १५ हजार सहित ट्रफि मेडल र प्रमाण–पत्र हात पारेको छ ।

त्यसैगरी प्रतियोगितामा उपविजेता हुन सफल होलील्याण्ड इन्टरनेशनल स्कुल धरान–१५ ले नगद १२ हजार ट्रफि मेडल र प्रमाण पत्र प्राप्त गरेको छ ।

त्यस्तै प्रतियोगितामा तेस्रो हुने शिक्षा सन्देश वोडिङ स्कुलले नगद ९ हजार ट्रफि मेडल र प्रमाण पत्र हात प्राप्त गरेको छ ।

प्रतियोगितामा धरान प्याव्सन अन्र्गतका स्कुल मध्येबाट २० वटा स्कुल सहभागी भएका थिए ।

प्रतियोगिताका विजेताहरुलाई प्रमुख अतिथि धरान उपमहानगरपालिका उपप्रमुख अइन्द्र विक्रम वेघाले पुरस्कार प्रदान गरेका थिए ।
कार्यक्रमको सभापतित्व प्याव्सन नगर अध्यक्ष राजकुमार लिम्वुलले गरेका थिए भने कार्यक्रमको संचालन सचिव रविन न्यौपाने गरेका थिए ।

धरान–१७ स्थित एन्फा एकेडेमीको मैदानमा भएको सो खेलमा एन्फा सुनसरीको प्राविधिक सहयोग रहेको थियो ।

कार्यक्रममा प्याव्सन सुनसरी अध्यक्ष अनुप योञ्जन तामाङ,धरान फुटवल क्लवका अध्यक्ष प्रताप तामाङ, एन्फा सुनसरी अध्यक्ष नविन राई लगायतको उपस्थिति रहेकोस थियो ।