एक्वा सेकेण्डरी स्कुलमा खेलकुद सप्ताह सम्पन्न

छाल खवर
धरान,११ फागुनः एक्वा सेकेण्डरी इङ्लिस स्कुल धरान–१७ ले वार्षिक खेलकुद सप्ताहमा विजयी विद्यार्थीहरुलाई पुरस्कार वितरण गरेको छ ।

स्कुलले खेलकुदमा सहभागी विद्यार्थीहरुलाई शुक्रवार कार्यक्रमको आयोजना गरी पुरस्कार वितरण गरेको हो ।

माघ १३गतेदेखि १७ गतेसम्म स्कुलमा आयोजित खेलकुद प्रतियोगितामा अन्तर हाउस स्तरीय पुटवल टुनामेन्ट,व्याडमिन्टन,चेस,टेवलटेनिस,स्लो साइकल रेस,बुक व्लालेन्स्,रिलेरेस ४सय मिटर,१ सय मिटर रेस,तातो आलु लगायत खेल सम्पन्न भएको थियो ।

खेलमा विजयी तथा सहभागी विद्यार्थीहरुलाई स्कुलका प्रिन्सिपल विवेक राई,खेलकुद मेनेजर कविन मगर, अनुशासन प्रमुख अनिता श्रेष्ठ लगायतले विजयी विद्यार्गीहरुलाई ट्रफि मेडल र प्रमाण–पत्र वितरण गरेका थिए ।

विद्यार्थीहरुलाई वौद्धिकताको क्षमताको विकाससंगै शारीरिक विकासको लागि खेलकुदको आयोजना गरीएको प्रिन्सिपल विवेक राईले वताए ।