केन्द्रीय समितिको निर्णय विरुद्ध सुनसरी अध्यक्षको सांकेतिक विरोध

छाल खवर
धरान,३ चैत ः नेपाल पत्रकार महासंघ केन्द्रीय समितिले पत्रकार महासंघको संस्थापक अध्यक्षको विषयमा गलत निर्णय गरेको भन्दै सुनसरी अध्यक्षले उल्टो कुदेर सांकेतिक विरोध जनाएकाछन् ।

नेपाल पत्रकार महासंघ सुनसरी अध्यक्ष जनकऋषि राईले ८दशमलव ५ किलोमिटर उल्टो कुदेर विरोध जनाएका हुन ।

आफूले १ घण्टा ४० मिनेटमा सो दुरी पार गरेको अध्यक्ष राईले जानकारी दिएकाछन् ।

उनले नेपाल पत्रकार महासंघको संस्थापक अध्यक्ष सत्यनारायण बहादुर श्रेष्ठको इतिहास मेटाउन खोज्ने नेपाल पत्रकार महासंघ केन्द्रिय कमिटिको प्रयास बिरुद्द दोस्रो गोर्खा ट्रेल ब्रेजर रन प्रतियोगितामा महासंघको उल्टो गति भएको जनाउदै साङ्केतिक बिरोध स्वरुप प्रतियोगितामा उल्टो गतिमा दौडिएर विरोध जनाएको राईले जनाएकाछन् ।

निर्धारीत ८दशमलव ५ किलोमीटर दुरि रहेको रन रत्नचोकबाट सुरु भएर धरान–२० स्थित गोर्खा स्मृति पार्कमा समापन भएको थियो ।