अल्फाविटा राष्ट्रिय खुल्ला बास्केटबल प्रतियोगिता आयोजना

छाल खवर
धरान,४ वैशाखः दोस्रो अल्फा विटा राष्ट्रिय खुल्ला महिला तथा पुरुष बास्केटबल प्रतियोगिता बैशाख अन्तिम सातादेखी हुने भएको छ ।

आयोजक धरान बास्केटबल संघको आयोजनामा सो प्रतियोगिता हुने भएको हो ।

प्रतियोगितामा अल्फा विटा धरान र धरान उपमहानगरपालिकाको आर्थिक सहयोग रहने आयोजकले जनाएको छ ।

आयोजकले पत्रकार सम्मेलन गरी दिएको जानकारी अनुसार प्रतियोगिता बैशाख २९ देखी जेष्ठ ३ गतेसम्म सन्चालन हुनेछ ।प्रतियोगितामा पुरुषतर्फ १२ टिम र महिलातर्फ ८ टिमको सहभागिता रहने प्रतियिगिताको संयोजक बिकास चाम्लिङले जानकारी दिएकाछन् ।

धरान रंगशालाको इन्डोर बास्केटबल कोर्टमा हुने सो प्रतियोगितामा धरान, झापा, मोरङ, ईलाम, उदयपुर, धनकुटा लगायतका जिल्लाहरुबाट सहभागि हुने आयोजक धरान बास्केटबल संघका अध्यक्ष नारायण सुबेदीले बताए ।

आयोजकले दिएको जानकारी अनसार पुरुषतर्फको बिजेताले नगद ५० हजार र उपबिजेताले नगद २५ हजार सहित ट्रफी, मेडल र प्रमाण–पत्र प्राप्त गर्ने छन् ।

त्यस्तै महिलातर्फको बिजेताले नगद २० हजार र उपबिजेताले नगद १० हजार हजार सहित ट्रफी, मेडल र प्रमाण–पत्र प्राप्त गर्ने छन ।

प्रतियोगिताको उत्कृष्ठ पुरुष खेलाडीले नगद १० हजार र महिलातर्फ ५ हजार सहित ट्रफी, मेडल र प्रमाण–पत्र प्राप्त गर्ने छन ।

प्रतियोगिताको उदियमान पुरुष खेलाडीले नगद ५ हजार र महिला खेलाडीले नगद २ हजार ५ सय सहित ट्रफी, मेडल र प्रमाण–पत्र प्राप्त गर्नेछन ।

प्रतियोगितालाई थप आकर्षण थप्न समापनको दिन बास्केटबल पूर्वखेलाडी तथा राष्ट्रिय कलाकार प्रकाश पौडेलको प्रायोजनमा थ्री पोइन्ट कम्पिटिसन पनि हुने आयोजकले जनाएको छ ।

थ्री पोइन्ट कम्पिटिसन बिजेता महिला तथा पुरुष खेलाडीले नगदपाच पाच हजार सहित ट्रफी, मेडल प्राप्त गर्ने आयोजकले जनाएको छ।

पछिल्लो समय बास्केट बल खेलको प्रतियोगिताहरु धेरैजसे समय हुने गरेको छ । बास्केट बल खेलको लागि धरान केन्द्र नै मानिदै आएको छ ।