छाल खवर
धरान,२१ बैशाख स्धरान–५ स्थित देउराली चिल्ड्रेन एकेडेमिले शुक्रबार निर्वाचन सम्पन्न गरेको छ।
देउराली चिल्ड्रेन एजेडेमी बाल क्लबका अध्यक्ष सहित १३ सदस्यिय समिती र हाउस क्याप्टेन र भाईस क्याप्टेन चुन्न निर्वाचन गरिएको स्कुलका कोअर्डिनेटर सुरेस राईले जानकारी दिनुभयो।
निर्वाचनमा मतदानका लागि दुई वटा बुथ राखिएको कोअर्डिनेटर राईले जानकारी दिनु भयो। जम्मा १ सय ६६ मतदाताहरु मध्ये १ सय ६१ मत खसेको निर्वाचन अधिकृत शिक्षक मोतीराम थापाले जानकारी दिनु भयो।
कक्षा–५ देखि १० सम्मका बिद्यार्थीहरुले मतदानमा भाग लिएका थिए।
बिद्यार्थीहरुलाई लोकतान्त्रिक बिधिद्वारा क्लबका अध्यक्ष, हाउस क्याप्टेन लगायत छान्ने र मतदान प्रकृयाको बारेमा ब्यबहारिक ज्ञान दिने उद्येस्यले निर्वाचन गराईएको स्कुलका प्रीन्सिपल नबिन गौतमले जानकारी दिनुभयो।
निर्वाचन गरेर छानिएका बिद्यार्थीहरुलाई जिम्मेवारी दिदा लोकतन्त्रको अभ्यास हुने र बिद्यार्थीहरुले ब्यबहारिक ज्ञान समेत सिक्ने स्कुलका निर्देसक पृथ्वी राईका मगरले बताउनु भयो।
निर्वाचनको अन्तिम नतिजा आईतबार प्रकासन गरिने निर्वाचन अधिकृत थापाले जानकारी दिनुभयो।
Copyright © 2020 / 2026 - Chhalkhabar.com All rights reserved
Website By : Hash Tech Logic
