धरान उच्चमा प्रवेशिका परिक्षा दिने विद्यार्थीको भीड अपेक्षा गरे अनुसार सहभागीता रह्यो–सहायक–प्रिन्सिपल लिम्वु

छाल खवर
धरान,२० असार ः धरान सेकेण्डरी स्कुल (धरान उच्च) मा –अध्ययनका लागि प्रवेशीका परिक्षा दिने विद्यार्थीहरुको भीड लागेको छ ।

स्कुलले शुक्रवार लिएको विज्ञान संकाय,होटलमेनेजमेन्ट,कम्प्युटर साइन्स,व्यवस्थापन संकायको लागि लिएको प्रवेशिका परिक्षामा विद्यार्थीहरुको भीड लागेको हो ।

परिक्षामा धरान क्षेत्रका अधिकांश विद्यालय र धरान वाहेक चतरा भरौला र मोरङको केरावारी र पडाही जिल्लाका विद्यार्थीहरु सहभागी भएको सहायक प्रिन्सिपल अशोक लिम्वुले जानकारी दिनुभयो ।

परिक्षामा पहिलो दिनको प्रवेश परिक्षामा ३ सय ५० जना सहभागी भएको मध्ये विज्ञान संकायमा १सय ५० जनाले प्रवेश परिक्षा दिएको र अन्यले व्यवस्थापन,होटल मेनेजमेन्ट संकायमा परिक्षा दिएको सहायक प्रिन्सिपल लिम्वुले वताउनु भयो ।

आइतवार बाँकी रहेका १सय ५० जनाले छुट प्रवेशिका परिक्षा दिने व्यवस्था मिलाईको लिम्वुले जानकारी दिनुभयो ।

धरान उच्च प्रति विगत वर्षदेखिको रही आएको अभिभावकको विश्वासको कारण विद्यार्थीहरुको उपस्थिति रहेको र अभिभावक र विद्याथीैहरुको विश्वासलाई अझ प्रगाढ वनाउदै आगामी दिनमा पनि अभिभावकको मन जित्ने सहायक प्रिन्सिपल लिम्वुको भनाई रहेको छ ।

पयाप्त भौतिक पूर्वाधार साथै पुराना दक्ष र अनुभवी शिक्षक शिक्षिकाको कारण धरान उच्चले विगत वर्षहरुमा पनि उत्कृष्ट नतिजा ल्याउदै आएको छ ।

हाल धरान उच्चमा विज्ञान संकाय ,कम्प्युटर विज्ञान,व्यवस्थापन संकाय होटलमेनेजमेन्ट पढाई हुने गरेको छ भने व्याचर लेवलमा विएससी,सिएसआइटी,विएससी माइक्रोवाइलोजी,विविए,विविएस हुने गरेको छ ।
भने मास्टर लेवलमा एमविएस र एमविएको पढाई हुने गरेको छ ।