स्थापना दिवसका अवसरमा हात्तिसार क्याम्पसद्धारा वृक्षारोपण

छाल खवर
धरान,३१ असारः त्रिभुवन विश्वविद्यालयको ६५ औ स्थापना दिवसका अवसरमा केन्द्रीय प्रविधि क्याम्पस धरानले सोमवार वृक्षारोपण कार्यक्रम सम्पन्न गरेकोछ।

विश्व विद्यालयले स्थापनाका अवसरमा विभिन्न कार्यक्रमको आयोजना गरी मनाउन दिएको निर्देशन अनुसार धरानमा वृक्षारोपण गरीएको हो ।

क्याम्पसका कर्मचारी संघका सभापति महेश कोइरालाले कार्यक्रममा टीक, खयर, जामुन, सिरिस, लगायत विभिन्न प्रजातिका २सय थान विरुवा रोपिएको जानकारी दिनुभयो ।

यस अघि पनि विभिन्न कार्यक्रमहरुको अवसरमा क्याम्पसमा वृक्षारोपण गरिएकोमा लगभग ३०० भन्दा बढी विरुवाहरु हुर्किइ सकेका र आगामी दिनमा यो कार्य लाई निरन्तरता दिदै क्याम्पसको सबै खाली जग्गामा वृक्षारोपण गर्ने लक्ष रहेको कुरा सभापति कोइरालाले जानकारी दिनुभयो ।

सोमवारको वृक्षारोपण कार्यक्रम सहायक क्याम्पस प्रमुख सह प्राध्यापक वविता अधिकारीको संयोजकत्वमा सम्पन्न भएको थियो । स्थापना दिवसको अवसरमा त्रिभुवन विश्वविद्यालयले देशभरका क्याम्पसहरु सोमवार सार्वजनिक विदा दिएको थियो ।

कार्यक्रममा क्याम्पसका प्राध्यापक, कर्मचारी एवम् विद्यार्थीहरुले सहभागीता जनाएका थिए ।