मेरीना श्रेष्ठ धरान प्रथम भएको युएन कलेजको दावी

छाल खवर
धरान,२३ साउनः राष्ट्रिय परिक्षा वोर्डद्धारा प्रकाशित कक्षा १२ को वार्षिक परिक्षाको नतिजा अनुसार आफ्नो विद्यार्थी धरान प्रथम भएको युएन नवोदय कलेज धरान–१६ले दावी गरेको छ ।

आफ्नो कलेजबाट व्यवस्थापन संकायबाट कक्षा–१२ को परिक्षा दिएकी मेरीना श्रेष्ठले ३ दशमल ८१ जिपिए नतिजा सहित धरान प्रथम भएको भन्दै कलेजले दावी गरेको हो ।

हालसम्म कसैले पनि यतिको संख्यामा नतिता सार्वजनिक नगरेकोले आफ्नो विद्यार्थी धरान कै उत्कृष्ट भएको क्याम्पस प्रमुख डम्वर कुमार तुम्बापोले वताउनु भएको छ ।

उहाँले भन्नुभयो– अहिलेसम्म हाम्रो विद्यार्थीको भन्दा कसैको पनि वढी अंकको नतिजा प्रकाशन भएको नदेखिएकोले हाम्रो कलेजको विद्यार्थी श्रेष्ठ नै उत्कृष्ट हो भन्ने हाम्रो दावी हो ।

मेरीना पढाई मात्र नभएर जेहेन्दार र अनुशासित विद्यार्थी समेत भएको क्याम्पस प्रमुख तुम्वापाको भनाई रहेको छ ।

होटल म्यानेजमेन्ट विषयमा नेपाल मै उत्कष्ट नतिजा ल्याएर व्राण्ड वन्न सफल युएन कलेज व्यवस्थापन संकायमा पनि उत्कृष्ट नतिजा ल्याउन सफल वनेकोमा आफूलाई खुशी लागेको क्याम्पस प्रमुख तुम्वापोले वताउनु भयो ।

उत्कृष्ट नतिजाका लागि आफूहरु सधै लागि परीरहेको र आगामी दिनमा पनि उत्कृष्ट नतिजाको लागि विद्यार्थीहरुलाई कडा परिश्रम र मेहनत गराउने उहाले वताउनु भयो ।

उहाले कतिपय कलेजले एउटा विषयमा उत्कष्ट अंक ल्याउने विद्यार्थी नै धरान प्रथम भएको भन्दै प्रचार गरेको सुन्दा आफूलाई आश्चार्य लागेको समेत वताउनु भयो ।

उत्कृष्ट हुने विद्यार्थीले संकायमा नै उत्कष्ट अंक ल्याउनु पर्नेमा कतिपयले एउटा कुनै एैच्छिक विषयमा आएको अंकलाई नै उत्कष्टको विज्ञपान गरेर अभिभावक र विद्यार्थीहरुलाई भ्रम छरेको वताउनु भयो ।

वास्तविक परिणामा विश्वास गर्न विद्यार्थी र अभिभावकहरुलाई उहाको सुझाव समेत रहेको छ ।